Azərbaycan, Bakı, 27 may/ Trend , müxbir M.Əliyev/ Birləşmiş Ərəb Əmirlikləri Azərbaycanda səfirliyin açılması məsələsini nəzərdən keçirir.
Azərbaycan XİN-dən çərşənbə axşamı Trend -a verilən məlumata görə, BƏƏ-nin səfirliyinin açılması məsələsi Azərbaycanın xarici işlər naziri Elmar Məmmədyarovun Birləşmiş Ərəb Əmirliklərinin xarici ticarət naziri Şeyxə Lübnə bint Xalidlə görüşündə müzakirə edilib.
Görüşdə turizm sahəsində ikitərəfli əməkdaşlığın detalları, Azərbaycan və BƏƏ diplomatlarına vizaların verilməsi prosesinin sadələşdirilməsi müzakirə edilib.
Azərbaycan və BƏƏ hərbi, hüququ sahələrdə, hava əlaqəsi, iqtisadi, həmçinin, təhsil, mədəniyyət, idman və səhiyyə sahələrində əməkdaşlıq haqqında sazişlər imzalayıblar.
Müəlliflə əlaqə saxlamaq üçün elektron ünvan - [email protected]