Azərbaycan, Bakı, 09 iyun / Trend , müxbir A.Bədəlova/ Azərbaycanın CIF Augusta növlü neftinin iyunun 6-da qiyməti 1 barel üçün $136,04 olub. 1997-ci ildən yüngül neft hasil edən Azərbaycan Dövlət Neft Şirkətindən bazar ertəsi verilən məlumata görə, cümə günü neftin qiyməti cümə axşamına nisbətdə 1 barrel üçün $10,55 artıb.
Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, Bakı-Supsa kəməri ilə Gürcüstanın Supsa və dəmir yolu ilə Batumi limanlarına çatdırılır.
ARDNŞ-dən bildiriblər ki, FOB Türkiyənin Ceyhan limanı şərtlərilə Azərbaycanın yüngül neftinin qiyməti iyunun 6-da $134,73/barel təşkil edib ki, bu da əvvəlki qiymətdən $10,54/barel çoxdur.
Azərbaycan neftin URALS növünü də Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URALS adı ilə satılır. Bu növ spesifikasiyasına görə, Azərbaycan neftindən keyfiyyət və qiymətcə aşağıdır.
İyunun 6-da Novorosiysk limanından boşaldılan URALS neftinin qiyməti 1 barel üçün $126,33 təşkil edib. Bu, əvvəlki qiymətdən $10,61 azdır.
Analoji vəziyyət Şimal dənizindən hasil edilən neftin Brent Dated etalon növünə də aiddir. Brent Dated neftinin iyunun 6-da qiyməti 1 barel üçün $133,23 çatıb. Bu əvvəlki qiymətdən $10,67çoxdur.
