Türkiyə, Ankara, 30 iyun / Trend , müxbir T.Əliyev/ Rusiyanın xarici işlər naziri Sergey Lavrov türkiyəli həmkarı Əli Babacanın dəvəti ilə iyulun 1-2 - də Ankarada rəsmi səfərdə olacaq. CNNTürk.com saytının məlumatına əsasən, Lavrovun səfəri Babacanın fevralda Moskvaya rəsmi səfərinə cavab xarakteri daşıyır. Lavrovun Türkiyə prezidenti Abdullah Gül, Baş nazir Rəcəb Tayyib Ərdoğan və xarici işlər naziri Əli Babacanla görüşləri gözlənilir.
Danışıqlarda Türkiyə-Rusiya münasibətlərində son illərdə əldə edilən irəliləyişlər və yeni əməkdaşlıq imkanları müzakirə ediləcək. Iki ölkəni maraqlandıran regional və beynəlxalq məsələlər, enerji layihələri ilə bağlı da fikir mübadiləsi aparılacaq.
Məqalə müəllifi ilə əlaqə saxlamaq üçün elektron ünvan [email protected]