Azərbaycan, Bakı, 10 iyul/ Trend , müxbir E.Babayev/ 2010 - cu ilədək Azərbaycanın bütün bölgələrində regional televiziyaların fəaliyyətə başlaması nəzərdə tutulur. "Bizim belə bir planımız var. Yeni televiziyalar o regionlarda yaradılacaq ki, orada, ümumiyyətlə, regional televiziya yoxdur", - deyə cümə axşamı Trend -a Milli Televiziya və Radio Şurasının (MTRŞ) sədri Nuşirəvan Məhərrəmli bildirib.
Trend -un arayışı: Hazırda Azərbaycanda 7 ümumölkə, 14 regional telekanal fəaliyyət göstərir.
Məhərrəmli bildirib ki, bu ilin oktyabrında keçiriləcək prezident seçkisinə qədər Yevlax, Şəki rayonlarında yeni regional televiziyalar fəaliyyətə başlayacaq. " növbəti mərhələdə digər ərazilərdə belə televiziyalar yaradılacaq; Aran zonasında, Qarabağ zonasında, Ağsu-Şirvan regionlarında yeni televiziyalar fəaliyyətə başlayacaq" - deyən Məhərrəmli bildirib ki, 2010 - cu ilədək bütün bölgələrdə televiziya kanalları olacaq. "Məqsəd həm də odur ki, 2010 -cu il parlament seçkilərində namizədlər regional televiziyalar vasitəsilə öz təbliğatlarını apara bilsinlər. Seçkilərə qədər bütün regionların televiziyasının olmasına çalışacağıq" - deyə o bildirib.
Məqalə müəllifi ilə əlaqə ünvanı: [email protected]
