Azərbaycan, Bakı, 30 iyul/ Trend , müxbir E.Babayev/ Azərbaycanın Mərkəzi Seçki Komissiyası (MSK) qarşıdan gələn prezident seçkiləri ilə bağlı normativ aktlar toplusu hazırlayıb. Çərşənbə günü Trend -a MSK-dan verilən məlumata görə, artıq toplunun I cildi işıq üzü görüb.
Azərbaycanda prezident seçkisi oktyabrın 15-də keçiriləcək.
MSK-dan bildirilib ki, qurum prezident seçkilərinin hazırlanıb keçirilməsi ilə bağlı normativ bazanın təkmilləşdirilməsi istiqamətində işləri davam etdirir. MSK "Azərbaycan Respublikasının Seçki Məcəlləsinə dəyişikliklər və əlavələr edilməsi haqqında" qanununu nəzərə almaqla Seçki Məcəlləsinin yeni nəşrini hazırlayaraq çap etdirib. Bundan sonra Komissiya öz səlahiyyətləri daxilində bu Məcəllənin həyata keçirilməsinə dair təlimatlar, izahlar və digər metodiki gəstərişlər hazırlayaraq təsdiq edib. Bu günə kimi MSK-nın qərarı ilə 20 normativ xarakterli akt - təlimat, əsasnamə və qaydalar təsdiqlənərək rəsmi dövri nəşrlər və MSK-nın rəsmi internet səhifələri ( www.msk.gov.az ; www.cec.gov.az ; infocenter.gov.az) vasitəsilə ictimailəşdirilib. Normativ aktlardan ibarət toplunun birinci cildində bir sıra təlimtatlar yer alıb. Artıq təlimatlardan və digər metodiki göstərişlərdən ibarət toplunun aşağı seçki komissiyalarına çatdırılmasına başlanılıb. Hazırda MSK-nın təsdiqlədiyi başqa normativ xarakterli aktlardan ibarət toplunun növbəti cildi də çapa hazırlanır.
Məqalə müəllifi ilə əlaqə ünvanı: [email protected]