Azərbaycan, Bakı, 30 iyul/ Trend Cap , müxbir Ü.İsmayılova, A.Əliyev/ Bakıda bərk məişət tullantılarının yandırılması üzrə zavodun tikintisi ildə 231,5 mln. kvt/s elektrik enerjisi istehsal etməyə imkan verəcək. Bu barədə çərşənbə günü Nazirlər Kabinetində zavodun tikintisi layihəsinin müzakirəsi zamanı Baş nazirin müavini Abid Şərifov məlumat verib. Azərbaycanda ildə 21 mlrd. kVt/saatdan çox elektrik enerjisi istehsal olunur.
"Zavodun üstünlüklərindən biri - tullantıların yandırılması zamanı ekoloji tələblərin yerinə yetirilməsi olacaq" - Şərifov bildirib.
İllik gücü 500 min ton olacaq zavodun layihələndirilməsi və tikintisinin dəyəri 346 mln. avro təşkil edəcək. Balaxanıda (Bakı yaxınlığında) tikiləcək zavodun tikintisini dekabrın 1- dən Fransanın CNİM şirkəti aparacaq.
Nəzərdə tutulan elektrik enerjisi istehsalı həcmi Xaçmaz rayonunu il ərzində elektrik enerjisi ilə təmin edə bilər. Yandırılan tullantılardan qalan kül çöküntüsündən isə, yol tikintisində istifadə etmək olar.
Onun sözlərinə görə, zavodun hündürlüyü 50 metr, uzunluğu 250 metr olacaq. Tullantılar 850 dərəcə temperaturunda yandırılacaq. Gələcəkdə zavodun gücünün 3-cü xətt əlavə etməklə, 50 faiz artırmaq olar. 1 ton tullantının yandırılmasına təklif olunan tarif 37,5 avrodur.
Müəlliflə əlaqə saxlamaq üçün elektron ünvan: cap