Azərbaycan, Bakı, 01 sentyabr / Trend , müxbir İ.Əlizadə/ Avropa Şurası Parlament Assambleyasının (AŞPA) müşahidə missiyası seçkiqabağı vəziyyəti öyrənmək üçün sentyabrın 16 - dan 18 - dək Azərbaycanda səfərdə olacaq.
"Azərbaycana gələcək AŞ PA missiyası beş nəfər ekspertdən ibarətdir" - bazar ertəsi telefonla Trend -a Strasburqdan Azərbaycanın Avropa Şurasındakı daimi nümayəndəsi Arif Məmmədov bildirib.
Trend - un arayış: Azərbaycanda prezident seçkisi oktyabrın 15 - də keçiriləcək. Mərkəzi Seçki Komissiyası (MSK) prezident olmağa iddia edən 20 nəfərin namizədliyini təsdiqləyib. Hakim Yeni Azərbaycan Partiyasının namizədi, indiki dövlət başçısı İlham Əliyevin və müxalifəti təmsil edən Ümid Partiyasının sədri İqbal Ağazadənin namizədliyi rəsmi şəkildə qeydə alınıb.
Məmmədov qeyd edib ki, AŞPA müşahidəçiləri MSK rəhbərliyi, siyasi partiyaların və qeyri-hökumət təşkilatlarının təmsilçiləri ilə görüşəcəklər.
Məqalə müəllifi ilə əlaqə ünvanı: [email protected]