Azərbaycan, Bakı, 15 oktyabr/ Trend , müxbir N.Abdullayeva/ Almaniyadan olan müstəqil müşahidəçi Azərbaycan prezidenti seçkisinin beynəlxalq standartlara uyğun olmasını qeyd edir.
"Seçkilər çox yaxşı təşkil edilib, çoxlu beynəlxalq müşahidəçilər var ki, bu da seçkinin demokratikliyinə sübutdur", - çərşənbə günü Trend - a Almaniyadan olan müstəqil müşahidəçi, AŞ - nin keçmiş üzvü və Almaniyanın keçmiş Baş naziri Verner Myunh deyib.
"Mən həm beynəlxalq, həm də yerli müşahidəçilərlə söhbət etmişəm, şikayət və irad yoxdur", - o bildirib.
Onun sözlərinə görə, şəxsiyyət vəsiqələrinin yoxlanılması, barmaqların mürəkkəbə batırılması , şəffaf seçki qutuları çox yaxşı təşkil olunub, pozuntular isə müşahidə edilməyib.
"Mən siyasi həyatım boyu çoxlu seçkilər müşahidə etmişəm və demək istəyirəm ki, Azərbaycan prezidenti seçkisi - 2008 beynəlxalq demokratik standartlara uyğundur", - Myunh qeyd edib.
Oktyabrın 15 - də Azərbaycanda prezident seçkiləri keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.