Azərbaycan, Bakı, 19 noyabr/ Trend /Azərbaycanın xarici işlər nazirliyi ölkənin Əfqanıstandakı daimi nümayəndəliyinin rotasiyasını aparır.
Azərbaycanın Əfqanıstandakı daimi nümayəndəsi İbrahim Qafarov diplomatik fəaliyyət müddətinin başa çatması ilə əlaqədar geri çağırılıb, - Azərbaycanın Pakistandakı səfirliyinin müşaviri Sabir Rzayev çərşənbə günü telefonla Trend -a bildirib.
Azərbaycan diplomatlarının xaricdəki diplomatik xidmətlərinin maksimal müddət 4 ildir.
Hazırda boş qalmış vəzifəyə Azərbaycanın xarici işlər naziri tərəfindən təsdiqlənəcək yeni namizədlik nəzərdən keçirilir, - Rzayev bildirib. Hələ ki, daimi nümayəndə funksiyasını eyni zamanda Əfqanıstanda akkreditə olunmuş Azərbaycanın Pakistandakı səfiri Eynulla Mədati yerinə yetirir.
Qafarov diplomatik missiyaya Azərbaycanın Əfqanıstandakı nümayəndəsi qismində 2008-ci ilin iyununda başayıb. Bunadək Qafarov Azərbaycanın Pakistandakı səfirliyinin müşaviri səlahiyyətlərini icra edib.
Müəlliflə əlaqə saxlamaq üçün elektron ünvan - [email protected]
