Azərbaycan, Bakı, 10 dekabr / Trend , müxbir S.Kazımlı / Bakıda dələduzluq etdiyi üçün axtarışda olan şəxs tutulub. Tutulan şəxs avtomobil alqı-satqısı adı ilə vətəndaşlardan xeyli miqdarda pul alıb mənimsəməkdə təqsirli bilinir. Bu barədə Xətai rayon Polis İdarəsinin (RPİ) 35-ci polis bölməsindən çərşənbə günü Trend -a məlumat verilib.
Xətai RPİ-nin 35-ci polis bölməsi əməkdaşlarının keçirdikləri əməliyyat-axtarış tədbirləri nəticəsində barəsində Azərbaycan Cinayət Məcəlləsinin dələduzluq (178-ci) maddəsi ilə axtarışda elan olunan 1963-cü il təvəllüdlü Tovuz sakini Üzeyir Vahid oğlu Əliyev çərşənbə axşamı tutularaq istintaqa təhvil verilib.
Polis bölməsindən bildiriblər ki, Əliyev avtomobil alıb-satmaq adı ilə vətəndaşlardan xeyli miqdarda pul alıb məniməsdiyi üçün bu il may ayının 11-də onun barəsində axtarış elan olunub.
Məqalə müəllıfı ılə əlaqə ünvanı:[email protected]