Azərbaycan, Bakı, 12 fevral / Trend , müxbir A.Hüseynbala/ Azərbaycanın müxalifət partiyası Dağlıq Qarabağ problemi ilə bağlı forumun keçirilməsinin tərəfdarıdır.
"Biz əgər bu problemi hələ də öz xeyrimizə həll edə bilmiriksə, onda heç olmasa məsələni həmişə gündəmdə saxlamalıyıq", - cümə axşamı Trend -a Ədalət Partiyasının sədri, millət vəkili İlyas İsmayılov bildirib.
Trend -un arayışı: İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993-cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994-cü ilin mayında tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki nəticəsiz, sülh danışıqları aparılır.
İsmayılovun sözlərinə görə, Dağlıq Qarabağla bağlı keçirilən tədbirlərdə ölkənin bütün siyasi qüvvələrinin iştirakı zəruridir: "Bu, bizim ümummilli problemimizdir. Amma bəzən Qarabağ mövzusunda keçirilən tədbirlərə münasibət birmənalı olmur. Mən belə münasibətin əleyhinəyəm", - partiya sədri əlavə edib.
Ədalət Partiyasının sədri deyib ki, yaxın müddətdə Dağlıq Qarabağ münaqişəsi ilə bağlı növbəti bir forumun keçirilməsinə ehtiyac var.
Ədаlət Pаrtiyаsı 1993-cü ildə yаrаdılıb, 1996-cü ildə АDP-yə birləşib. 2000-ci ildə "Ədаlət"çilər АDP-dən аyrılаrаq pаrtiyаnın fəаliyyətini bərpа еdiblər. 2001-ci ildən indiyədək Ədаlət Pаrtiyаsınа İlyаs İsmаyılоv sədrlik еdir. İsmаyılоv 2003-cü ildə Аzərbаycаndа kеçirilmiş prеzidеnt sеçkilərində prеzidеntliyə nаmizəd оlub və hazırdа Milli Məclisin dеputаtıdır.
Məqalə müəllifi ilə əlaqə ünvanı:[email protected]