...

Azərbaycanın müxalif partiyalarının təmsil olunduğu ittifaq referendumla bağlı təşviqat qrupu ilə əməkdaşlığa razılaşıb

Siyasət Materials 16 Fevral 2009 16:33 (UTC +04:00)

Azərbaycan, Bakı, 16 fevral / Trend , müxbir A.Hüseynbala/ Azərbaycanın bir neçə müxalif partiyasının təmsil olunduğu ittifaq referendumla bağlı təsis edilən təşviqat qrupunda öz nümayəndəsi ilə təmsil olunacaq.

"Demokratiya Uğrunda İttifaqın Sədrlər Şurasının növbəti toplantısında "Qarabağ və Respublika Uğrunda Hərəkat"la əməkdaşlıq barədə razılıq verilib", - bazar ertəsi Trend -a ittifaqın üzvü olan Klassik Xalq Cəbhəsi Partiyasından (KXCP) bildirilib.

Тrеnд Nеws-un arayışı: Təşviqat qrupları fevralın 18-dən etibarən təbliğat kampaniyasına start verəcəklər. Referendumla bağlı qəbul olunmuş təqvim planına əsasən, təbliğat kampaniyası martın 16-da saat 24:00-da başa çatdırılmalıdır.

Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.

Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti", "Davamlı İnkişaf Naminə", "Zəka", "Qarabağ və Respublika Uğrunda Hərəkat" və "Respublikaçılar" təşəbbüs qrupları MSK-da təşviqat qrupları kimi qeydiyyata alınıblar. "Abad kənd", "Azad söz", "Azərbaycan Xalq Cümhuriyyəti" və "Milli İstiqlal" təşəbbüs qrupları qeydiyyatdan keçməyib.

Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.

Məlumatda qeyd edilir ki, DUİ-ni təşviqat qrupunda KXCP sədrinin təşkilat məsələləri üzrə müavini Bəybala Əbil təmsil edəcək.

Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.

"Qarabağ və Respublika Uğrunda Hərəkat"ı Azərbaycan Xalq Cəbhəsi, Vətəndaş və İnkişaf, Liberal, Müsavat, Demokrat və Ümid partiyaları, eləcə də bir qrup ictimai təşkilat təsis edib və Mərkəzi Seçki Komissiyasında qeydiyyata alınıb.

DUİ-nin təsis etdiyi "Azərbaycan Xalq Cümhuriyyəti" təşviqat qrupu isə MSK-da qeydiyyata alınmayıb.

Məqalə müəllifi ilə əlaqə ünvanı:[email protected]

Xəbər lenti

Xəbər lenti