Azəbaycan, Bakı, 19 mart / Trend müxbir Ü.Sadığova/ FƏTH və HƏMAS arasında Fələstinin Milli hökumətinin yaradılması haqda danışıqları dayandırılmayıb. Bunu FƏTH-ın Qahirədə HƏMAS-la danışıqlardakı nümayəndə heyətinin rəhbəri Nabil Şaat deyib.
"Danışıqların uğursuzluğu haqda söhbət gedə bilməz. Biz yenə də məqsədə doğru [hökumətin formalaşdırılması] gedirik" - deyə Trend -a telefonla Qahirədən Şaat bildirib.
Cümə axşamı FƏTH-ın rəsmi nümayəndəsi İbrahim Abu əl-Naca deyib ki, danışıqlarda olduqca çox həll edilməmiş məsələlər qalıb. Xəbəri Sinhua agentliyi yayıb.
"Beş komissiyanın işində heç bir irəliləyiş yoxdur", - deyə Fələstin hökumətinin formalaşdırılması üzrə xüsusi komissiyaların fəaliyyətini xarakterizə edən FƏTH nümayəndəsi vurğulayıb.
2007-ci ildən Fələstin muxtariyyatında hakimiyyət uğrunda mübarizə aparan FƏTH və HƏMAS arasındakı danışıqlar Misirin vasitəçiliyi ilə martın ortalarında başlayıb.
Vahid hökumətin formalaşdırılması üçün tərəflər beş komissiyanı yaratmaq haqda razılığa gəliblər. Həmin komissiyalar yanvarda parlament və prezident seçkilərinin keçirilməsi, hökumət tərkibinin formalaşdırılması, Fələstinin azadlığı Təşkilatının siyasi sistemində islahatlar aparılması və təhlükəsizlik məsələləri ilə məşğul olmalı idilər.
"FƏTH və HƏMAS arasındakı danışıqlar dayandırılmamışdır və hətta bəzi uğurlar qazanılmışdır", - deyə Şaat vurğulayıb. Bununla belə o hansı uğurların əldə edildiyini dəqiqləşdirməyib.
FƏTH və HƏMAS-la danışıqlar İsrail ordusunun HƏMAS üzvlərinə qarşı Qəzza Zolağına hücumundan sonra mümkün olub. İsrailin hücumları 22 gün davam edib. Yanvarın ortalarında İsrail atəşin dayandırılması haqda birtərəfli qərar verib.
...
