Azərbaycan, Bakı, 08 aprel / Trend , müxbir Y.Ostapenko /
Litva xarici işlər naziri Viqaudaş Uşaskis çərşənbə günü Bakıda jurnalistlərə deyib ki, Litva hökuməti Azərbaycan iş adamlarına Avropa bazarına irəliləməkdə yardım etməyə hazırdır.
"Litva Avropa İttifaqının üzvüdür və ümidvarıq ki, azərbaycanlı iş adamları bu imkandan Aİ bazarına körpü kimi yararlanacaqlar. Bununla da Litva iqtisadiyyatına kömək etməklə öz iqtisadi maraqlarını təmin etmiş olarlar", - Uşaskas deyib.
Onun sözlərinə əsasən, Litva Azərbaycanda açılacaq Ticarət Evinə böyük ümidlər bəsləyir. "Litva və Azərbaycan arasında ticarətin genişlənməsini görmək sevindiricidir. Azərbaycan iş adamları Litva iqtisadiyyatına sərmayə yatırmağa maraq göstərirlər", - nazir qeyd edib.
Litva Xarici Siyasət İdarəsinin rəhbəri Bakıda rəsmi səfərdədir. Səfər çərçivəsində o, Azərbaycan prezidenti İlham Əliyev və XİN rəhbəri Elmar Məmmədyarovla görüşlər keçirib. Keçirilən görüşlərdə iki ölkə arasında əməkdaşlığın perspektivləri müzakirə olunub.
Məqalə müəllifi ilə əlaqə ünvanı: [email protected]
