Azərbaycan, Bakı, 20 iyun / Trend müxbir C.Babayeva/
Azərbaycan Dövlət Diplomatik Xidmətinin 90 illiyinə həsr olunmuş "Diplomat-2009" futbol üzrə çempionatının komandaları müəyyənləşib.
"Mini çempionat diplomatik korpus və Azərbaycanda akkreditə olunmuş beynəlxalq təşkilatların nümayəndəliklərinin komandaları arasında keçiriləcək", - XİN mətbuat mərkəzindən deyilib.
Yarış Bakıda 22 iyun - 8 iyul tarixləri arasında baş tutacaq. Orada aşağıdakı qurumların komandaları iştirak edəcək: Azərbaycan Xarici İşlər Nazirliyi, Türkiyə, Qazaxıstan, Rumıniya, Səudiyyə Ərəbistanı, Ukrayna, Fransa, Almaniya, Böyük Britaniya, Rusiya, İsrail, Qətər səfirlikləri, həmçinin Dünya Bankı və BMT nümayəndəliyi.