Azərbaycan, Bakı, 8 oktyabr / Trend , müxbir M.Əliyev/
Azərbaycanda sol qüvvələrin ictimai-siyasi forumu oktyabrın ikinci yarısında keçiriləcək.
Hazırda forumun keçirilməsinə texniki hazırlıq işləri aparılır, Xalq Sosialist Partiyası sədrinin ictimaiyyətlə əlaqələr üzrə müavini Rüstəm Şahsuvarov cümə axşamı Trend -a deyib.
"Forumun işində Azərbaycanın solçu partiyalarından XSP-dan savayı, Azərbaycanın Kommunist və Sosial Demokrat partiyaları iştirak edəcək. Azərbaycanın digər siyasi partiyaları da dəvət edilib", - Şahsuvarov belə deyib.
Onun sözlərinə görə, xarici qonaqlardan "Ədalətli Rusiya", Ukrayna Sosialist Partiyası, Gürcüstanın Leyborist Partiyası, həmçinin bu forumla maraqlanan Qazaxıstan və Qırğızıstandan çox sayda partiyalıların da iştirakı gözlənilir.
Sol qüvvələrin ictimai-siyasi forumunun keçirilməsi təşəbbüsü apreldə XSP tərəfindən irəli sürülüb.
Məqalə müəllifi ilə əlaqə ünvanı: [email protected]