Azərbaycan, Bakı, 08 dekabr / Trend , müxbir A.Hüseynbala/
Azərbaycanın hakim partiyasının sədr müavini Avropa Xalq Partiyasının Konqresində iştirak edir.
"Yeni Azərbaycan Partiyasının sədr müavini Əli Əhmədov Avropa Xalq Partiyasının (AXP) 2009 Bonn Konqresində iştirak etmək üçün Almaniyaya səfərə gedib", - Trend -un məlumatına görə, çərşənbə axşamı hakim partiyaının internet saytında bildirilib.
Almaniyanın Kansleri Angela Merkelin təşkilatçılığı dekabrın 8-10-da Bonn şəhərində keçiriləcək konqresdə AXP-nin əsas prioritet sahələrindən olan sosial bazar iqtisadiyyatı haqqında müzakirələr aparılacaq", - məlumatda əlavə olunur.
Almaniya Bundestaqında keçirilən Konqresdə Avropanın dövlət və hökümət başçıları, parlamentarlar, həmçinin mindən artıq nümayəndə iştirak edir.
Milli Məclisin deputatı Asəf Hacıyev də YAP nümayəndə heyətinin tərkibində Almaniyaya yola düşüb.
Məqalə müəllifi ilə əlaqə ünvanı: [email protected]