Baki. Trend:
Fevral ayı ərzində 8 stomatoloji klinikada yoxlama aparılıb, lisenziya şərtlərinə əməl olunmaması, sertifikasiya şəhadətnaməsi olmaması, lisenziyadankənar fəaliyyət üzrə nöqsanlar aşkarlanıb.
Bu barədə Trend-in sorğusuna cavab olaraq Səhiyyə Nazirliyi Analitik Ekspertiza Mərkəzindən məlumat verilib.
Bildirilib ki, bundan başqa, polis və ya vergi orqanlarından gələn müraciətlər əsasında 2 stomatoloq barəsində də lisenziya olmadan fəaliyyət göstərmələri barədə protokollar yazılıb:
"Fevral ayı ərzində plastik cərrahlarla bağlı 4 şikayət üzrə araşdırma aparılaraq yoxlama keçirilib. Yoxlama əsasında 3 həkimə plastik cərrahiyyə ilə bağlı protokollar yazılıb. Protokollar əsasən sertifikasiya şəhadətnaməsi olmaması və lisenziyadankənar fəaliyyətlə əlaqədardır".