Gürcüstan, Tbilisi, 17 fevral / Trend , müxbir N.Kirsxaliya/
Astanada fevralın 23-də Cənubi Qafqaz münaqişələrinə həsr edilmiş beynəlxalq konfrans təşkil ediləcək. Bu barədə Gürcüstan Liberal partiyasının beynəlxalq məsələlər üzrə katibi Nestan Kirtadze ATƏT-in fəaliyyətdə olan sədri - Qazaxstanın xarici işlər naziri Kaunat Saudabayev ilə görüşdən sonra bu gün jurnalistlərə bildirib.
Kirtadzenin sözlərinə əsasən, bu məsələni görüşdə o qoyub.
Konfransın Astanada keçirilməsi haqqında qərar verilib. Hazırda dəvət olunacaq ölkələrin siyahısı dəqiqləşdirilir.
Nestan Kirtadzenin məlumatına əsasən, ATƏT-in fəaliyyətdə olan sədri xoş niyyət ifadə edərək bəyan edib ki, ATƏT Gürcüstanda bu təşkilatın missiyasını bərpa etməkdən ötrü bütün imkanlardan istifadə edəcək.