Azərbaycan, Bakı, 10 may /Trend, müxbir M.Əliyev/
Azərbaycanın fövqəladə hallar naziri bildirib ki, Kür çayının bəzi yerlərində suyun səviyyəsinin 1 metrə qədər azalması müşahidə olunur.
"Artıq böhranlı vəziyyətdən çıxmışıq. Hazırda uçulmuş bəndlərin bərpası işi gedir. İki-üç günə bəndlərin tam bərpası başa çatacaq", - Trend-in məlumatına görə, bunu bazar ertəsi jurnalistlərə fövqəladə hallar naziri Kəmaləddin Heydərov deyib.
Trend-in arayışı: Son günlər ərzində yağan intensiv yağışlar nəticəsində Kürün məcradan cıxması səbəbindən qırx rayonun ərazisində subasma halları qeydə alınıb. Bu təbii fəlakət nəticəsində 20 minə yaxın ev su altında qalıb, 300-dən çox ev uçub, 2 min ev qəzalı vəziyyətdədir və 50 min hektar əkin və örüş sahələri su altında qalıb.
Nazirin sözlərinə görə, köçürülmüş 9 kəndin əhalisinin normal vəziyyətdə yaşaması üçün lazımi tədbirlər görülüb.
Heydərov baş vermiş hadisəni təbii fəlakət adlandırıb.