Gürcüstan, Tbilisi, 26 may /Trend, müxbir N.Kirsxaliya/
Azərbaycanın Gürcüstandakı səfiri Namiq Əliyev mayın 26-sı Gürcüstan MSK-nın sədri Zurab Xarataşvili ilə görüşəcək, - bu barədə MSK-nın mətbuat xidmətinin rəhbəri Culi Giorqadze Trend-ə məlumat verib.
Görüş Gürcüstan azərbaycanlılarının mayın 30-da keçiriləcək yerli seçkilərlə əlaqədar məlumatlandırılması səviyyəsi ilə maraqlanan səfirin təşəbbüsü ilə keçiriləcək.
Onun sözlərinə görə, azərbaycanlıların yaşadıqları bölgələrdə seçki bülletenləri Azərbaycan dilində çap olunur.
Bu yaxınlarda Gürcüstan televiziyaları Kvemo-Kartli əhalisinin ölkədə hansı seçkilərin keçirildiyi barədə məlumatlandırılmaması və bununla bağlı MSK-nı günahlandırmaları haqqında süjet göstərmişdi.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
