Azərbaycan, Bakı, 12 iyun /Trend/
Azərbaycanın xarici işlər naziri BMT-nin Azərbaycan üzrə yeni rezident-əlaqələndiricisi Fikret Akçuranı qəbul edib.
Xarici İşlər Nazirliyinin mətbuat xidmətindən şənbə günü Trend-ə verilən məlumata görə, ölkəmizdə BMT-nin rezident-əlaqələndiricisi təyin olunmasından məmnunluğunu deyən qonaq, təmsil etdiyi qurumla Azərbaycan arasında bir çox sahələrdə əməkdaşlığın inkişaf etdirilməsi üçün geniş potensialın mövcudluğunu və BMT-nin müxtəlif proqramlarının uğurla və səmərəli həyata keçirilməsi istiqamətdə çalışacağını bildirib.
Nazir Elmar Məmmədyarov Akçuranı ölkəmizə BMT-nin rezident-əlaqələndiricisi təyin olunması münasibətilə təbrik edib və işlərində müvəffəqiyyətlər arzulayıb.