Azərbaycan, Bakı, 24 avqust /Trend, müxbir S.Süleymanov/
Ciddədə Qazaxıstan və İslam Konfransı Təşkilatı (İKT) 2011-ci ildə Qazaxıstanın təşkilatda gələcək sədrliyinin əməkdaşlıq perspektivlərini müzakirə ediblər. Bu barədə Qazaxıstan XİN məlumat verib.
"Ciddədə Qazaxıstanın İslam Konfransı Təşkilatındakı daimi nümayəndəsi Baxıt Batırşayev bu təşkilatın baş katibinin müavini Həmid Opeloyeru ilə görüşüb. Görüş Qazaxıstan və İKT arasında ölkəmizin 2011-ci ildə təşkilatda sədrliyi fonunda müxtəlif istiqamətlərdə əməkdaşlıq perspektivlərinin müzakirəsinə həsr edilib", - nazirliyin yaydığı press-relizdə qeyd olunub.
Həmid Opeloyerunun sözlərinə görə, İKT-də Qazaxıstanın təşkilata verəcəyi töhfənin yalnız artacağına, gələcəkdə isə Qazaxıstanın sədrliyinin İKT-nin bütün fəaliyyətinə impuls verəcəyinə əmindirlər.
"İKT-nin müvafiq inkişaf proqramlarında Qazaxıstanın iştirakı ilə qarşılıqlı iqtisadi fəaliyyətin dərinləşdirilməsinə diqqətin yetirilməsi məqsədəuyğun hesab edilib. Belə birgə iş üçün mühüm meydança İKT-nin İqtisadi və ticari əməkdaşlıq üzrə Daimi Komitəsi (СОМСЕС) olacaq. Bu komitə təşkilatın İslam ölkələrində iqtisadi inkişafa cavabdeh olan baş orqanıdır", - pres-relizdə deyilir.
