Azərbaycan, Bakı, 14 sentyabr /Trend, müxbir Ü.Sadıxova/
Türkiyədə Konstitusiya dəyişikliklərindən sonra söz azadlığının inkişafı və insan hüquqlarının qorunmasının yaxşılaşdırılması Yaxın Şərq regionunda demokratiyanın yaradılmasında təqlid üçün açıq-aydın nümunədir. Türkiyə parlamentinin hakim Ədalət və İnkiaşf Partiyasından olan deputatı Əbdürrəhman Kurt belə hesab edir.
"İndi insan hüquqlarının qorunması və demokratik proseslərin dəstəklənməsi Yaxın Şərq ölkələri üçün demokratiyanın inkişafının göstəricisidir", - Trend-ə Ankaradan telefonla Kurt bildirib.
Türkiyənin Baş naziri Rəcəb Tayyib Ərdoğan hakim partiyanın təkilf etdiyi Konsitusiyaya dəyişiklik üzrə ümumi referendumun nəticələrini demokratiyanın qələbəsi adlandırıb.
Bazar günü keçirilən ümumxalq referendumunda seçicilərin 58 faizi hakim Ədalət və İnkişaf Partiyasının təkilf etdiyi Konstitusiya dəyişikliklərinə "hə" deyib, 41,98 faiz isə əleyhinə səs verib.
Seçicilərin ümumi iştirakı əsasən kürdlərin kompakt yaşadığı rayonlarda xüsusilə fəal olmaqla 77,55 faiz təşkil edib.
May ayında Türkiyə parlamenti tərəfindən qəbul olunmuş Konstitusiyaya düzəlişlər paketinə 1980-cı ildə hərbi çevrilişdən sonra qəbul olunmuş mövcud konstitusiyaya 26 dəyişiklik daxildir. Onlar hüquq məhkəməsi, xüsusilə də Konstitusiya məhkəməsi, məhkəmə və prokurorların ali məhkəməsi sisteminin islah edilməsi, hərbi vətəndaş məhkəmə instansiyaları ilə bağlı cinayət işlərinin qaldırılmasını nəzərdə tutur, Apelyasiya Məhkəməsindən parlamentə siyasi partiyaların buraxılması haqqında işlərin aparılmasına səlahiyyət verir. Bundan başqa, Konstitusiya islahatı obmudsman institutunun yaradılmasını nəzərdə tutur.
Parlamentin Livan və Türkiyə dostluq qrupuna başçılıq edən Kurtun fikrincə, Türkiyənin iştirakı ilə regionda baş verən son hadisələr ərəb ölkələrinin böyük marağına səbəb olub.
"Türkiyənin ərəb-İsrail münaqişəsində ədalətli mövqeyi və ölkədə demokratiyanın qorunması bu prosesi diqqətlə izləyən qonşu ərəblərin diqqətini cəlb edir, - türkiyəli deputat belə hesab edir. - Bütün bunlar gələcəkdə müsbət nəticələrə gətirib çıxaracaq".
"Türkiyə, eyni zamanda, qonşu Yaxın Şərq ölkələrində demokratik prosesləri məcburi yolla qəbul etdirmədən, buna həvəsləndirə bilər", - Kurt güman edir.
"Biz demokratiyanın necə inkişaf etdirilməsi və insan hüquqlarının qorunmasının necə yaxşılaşdırılması üçün nümunə ola bilərik, lakin Türkiyə bu ölkələri bu nümunəyə əməl etməyə məcbur edə bilməz, - Kurt deyib. - Hər şey ölkənin iradəsindən və istəyindən asılıdır".