Azərbaycan, Bakı,7 noyabr /Trend,müxbir М.Əliyev/
Azərbaycanda parlament seçkilərində seçici fəallığı yerli vaxtla 10:00-a olan məlumata görə, 10,61 faiz (524 926 seçici) təşkil edir. Bu barədə Trend-ə Azərbaycan MSK yanında" Seçkilər" İnformasiya Mərkəzindən məlumat verilib.
Azərbaycanda parlament seçkilərinə səsvermə yerli vaxtla 08:00-da başlayıb.
Mərkəzi Seçki Komissiyasından verilən rəsmi məlumata görə, parlament seçkilərində 690 namizəd mübarizə aparır.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
MSK səsvermənin gedişatı barədə məlumatı 12:00, 15:00, 17:00 və 19:00-da verəcək.