...

"İl Foglio" qəzetində Azərbaycanın birinci xanımı haqqında verilmiş material ağ yalan və iftiradır

Siyasət Materials 10 Dekabr 2010 00:28 (UTC +04:00)
"Dekabrın 3-də "İl Foglio" qəzetində dərc edilmiş və Azərbaycanının birinci xanımının şərəf və ləyaqətini ləkələyən böhtan və iftiralardan son dərəcə hiddətləndiyimizi bildirir və rəsmi olaraq bəyan edirik ki, məqalədə ifadə olunmuş, guya alman diplomatlarından alınmış "sensasiyalı məlumatlar" ağ yalan və iftiradır", - Azərbaycan Respublikasının birinci xanımının Protokol xidmətindən Trend-ə daxil olmuş məlumatda deyilir.
"İl Foglio" qəzetində Azərbaycanın birinci xanımı haqqında verilmiş material ağ yalan və iftiradır

"Dekabrın 3-də "İl Foglio" qəzetində dərc edilmiş və Azərbaycanının birinci xanımının şərəf və ləyaqətini ləkələyən böhtan və iftiralardan son dərəcə hiddətləndiyimizi bildirir və rəsmi olaraq bəyan edirik ki, məqalədə ifadə olunmuş, guya alman diplomatlarından alınmış "sensasiyalı məlumatlar" ağ yalan və iftiradır", - Azərbaycan Respublikasının birinci xanımının Protokol xidmətindən Trend-ə daxil olmuş məlumatda deyilir.

Birinci xanımının Protokol xidmətindən bildirilir ki, Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Azərbaycan parlamentinin deputatı Mehriban Əliyeva mədəniyyətlərin və sivilizasiyaların dialoqunun fəallaşdırılmasına, dünya mədəni irsinin qorunmasına, siyasi və ictimai həyatda qadınların rolunun artırılmasına yönəlmiş aktiv və çoxşaxəli fəaliyyəti ilə ölkəmizin hüdudlarından çox-çox uzaqlarda tanınır. Aydındır ki, Azərbaycanın birinci xanımının, mürəkkəb geosiyasi şəraitdə, münaqişələrlə dolu regionda yerləşən ölkənin artan nüfuzu bəzi dairələrdə əsəbi reaksiya doğurur. 

"Başa düşürük ki, jurnalistlərin öz informasiya mənbələrini gizli saxlamaq hüququ bir sıra bulvar və aşağı səviyyəli nəşrlər tərəfindən açıq-aşkar böhtan, o cümlədən ölkəmizin nüfuzunun və Azərbaycanın birinci xanımının beynəlxalq nüfuzunun artmasında maraqlı olmayan müəyyən qüvvələrin sifarişi ilə iftiralar dərc etmək imkanı kimi şərh olunur", - məlumatda qeyd olunur.

Azərbaycanın birinci xanımının Protokol xidməti hamı tərəfindən etik normaları və bütün beynəlxalq və Avropa sənədlərində təsbit edilmiş insanın böhtandan müdafiə olunması və şəxsi həyatının toxunulmazlığı hüquqlarını rəhbər tutaraq, Azərbaycanın birinci xanımından dərhal üzr istəməyi və yuxarıda göstərilən məqalə barədə təkzib dərc etməyi "İl Foglio" qəzetindən rəsmi surətdə tələb edir. "Ölkəmiz, həmçinin Azərbaycanın birinci xanımının şərəf və ləyaqətinin müdafiə olunması barədə iddia ilə İtaliya və beynəlxalq məhkəmə instansiyalarına müraciət etmək hüququnu özündə saxlayır", - məlumatda bildirilir.

Xəbər lenti

Xəbər lenti