Azərbaycan, Bərdə, 15 dekabr /Trend, müxbir T.Konyayeva/
İranın Atom Enerjisi Təşkilatının rəhbəri Əli Əkbər Salehinin İran xarici işlər nazirinin səlahiyyətlərini müvəqqəti icra etməyə təyin olunmasını ekspertlər "görünən mənasızlığına baxmayaraq, ironiya ilə yaxşı düşünülmüş qərar" adlandırıblar.
İran Prezidenti xarici işlər naziri vəzifəsinə diplomatik təcrübəsi olmayan, ölkənin texnik siyasət sahəsində çalışanı ona görə təyin edib ki, naziri idarə etmək asan olsun və öz fikrini yeridə bilsin", - Trend-ə telefonla Trend-in Ekspert Şurasının üzvü Rza Təqizadə deyib.
Bazar ertəsi İran Prezidenti Mahmud Əhmədinejadın sərəncamı ilə ölkənin xarici işlər naziri Mənüçöhr Müttəki vəzifəsindən uzaqlaşdırılıb. Müttəki son yeddi ildə Xarici İşlər Nazirliyinə rəhbərlik edib. O, Əhmədinejadın ilk prezidentliyi dövründə bu vəzifəyə təyin edilmişdi.
İranın Atom Enerjisi Təşkilatına başçılıq edən Əli Əkbər Salehi xarici işlər nazirinin səlahiyyətlərini müvəqqəti icra edən təyin edilib.
ABŞ eksperti Pol Sallivan Salehinin təyinatını "son dərəcə ironiyalı" hesab edir.
"Salehi ABŞ-ın iranlıların nüvə fizikasını Birləşmiş Ştatlarda öyrənməsini dəstəklədiyi bir dövrdə Massaçusets Texnoloji İnstitutunda elmlər namizədi dərəcəsini alıb, - Trend-ə elektron poçtla ABŞ-ın Milli Təhlükəsizlik Universiteti və Corctaun Universitetinin professoru Sallivan bildirib. - Vaşinqton şahın dövründə İranda nüvə energetikasının inkişafının əsas tərəfdarı, Salehi isə bu startegiyanın verdiyi rifahdan istifadə edənlərdən biri olub".
Onun sözlərinə görə, indiki vəziyyət əvvəlki siyasətin Vaşinqtonun indiki kursunun üzərinə necə düşdüyünün bariz nümayiş etdirir.
Hazırda ABŞ İranı dinc nüvə proqramı altında nüvə silahının hərbi məqsədlər üçün hazırlanmasında günahlandıran ölkələrdən biridir. Tehran bütün iradları rədd edərək bəyan edir ki, nüvə proqramı müstəsna olaraq dinc yönümlüdür. İndiyədək BMT Təhlükəsizlik Şurası altı qətnamə qəbul edib. Onların dördü İrana qarşı iqtisadi və bəzi siyasi sanksiyaları nəzərdə tutur. Bundan başqa, xəbərdarlıq xarakterli daha iki qətnamə qəbul edilib.
ABŞ ötən əsrin 60-cı illərində İrana ölkənin ən böyük mühüm nüvə obyekti - Tehran nüvə reaktorunu tədarük edib. Bu gün narahatlıq doğuran problemlərdən biri də ondan ibarətdir ki, ABŞ-ın tədarük etdiyi silah yanacağı - 10 funta yaxın yüksək zənginləşdirilmiş uran atom bombaları üçün qiymətli materialdır.
