Azərbaycan, Bakı, 8 aprel /Trend, müxbir V.Javoronkova/
Pentaqonun Təhlükəsizlik sahəsində təhdidlərin azaldılması Agentliyinin direktoru Kennet Mayersin gələn həftə Azərbaycana səfəri planlaşdırılır. Bu barədə Trend-ə ABŞ-ın Azərbaycandakı səfiri Metyu Brayza deyib.
"Səfərin məqsədi təhlükəsizlik təhdidlərinin qarşısının alınması sahəsində Azərbaycan və ABŞ arasında münasibətlərin möhkəmləndirilməsidir, - Brayza bildirib. - Azərbaycan ABŞ-ın başlıca tərəfdaşlarından biridir və Vaşinqton bunu yüksək qiymətləndirir".
Səfirin sözlərinə görə, Mayers uzun illərdir region üzrə ekspertdir və senator Riçard Luqarla işləyir.