Azərbaycan, Bakı, 16 may /Trend, müxbir S.Ağayeva/
Gürcüstanın müdafiə naziri Baço Axalaya Bakıda rəsmi səfərdədir. Bu barədə Trend-ə Gürcüstanın Azərbaycandakı səfirliyindən məlumat verilib.
Gürcüstanın müdafiə naziri bazar ertəsi səhər Fəxri və Şəhidlər xiyabanlarını ziyarət edib.
Axalaya səfəri zamanı azərbaycanlı həmkarı Səfər Əbiyevlə danışıqlar aparacaq. Onun ölkə rəhbərliyi ilə görüşəcəyi gözlənilir.