Azərbaycan, Bakı, 10 sentyabr /Trend, müxbir S.Аğayeva/
Bakıda oktyabr ayında xarici işlər nazirlərinin müavinləri səviyyəsində Azərbaycan-Hindistan XİN-lərarası məsləhətləşmələrinin keçirilməsi planlaşdırılır. Bu barədə cümə günü Trend-ə diplomatik mənbələrdən bildiriblər.
Tərəflər siyasi əməkdaşlığın perspektivləri və beynəlxalq təşkilatlarda qarşılıqlı fəaliyyəti nəzərdən keçirəcəklər.
Azərbaycan və Hindistan arasında diplomatik münasibətlər 1993-cü ildən yaranıb. İlk illərdə bu əməkdaşlıq Hindistanın Türkiyədəki səfirliyi tərəfindən nizamlanırdı. 1999-cu ildə Bakılda Hindistanın Azərbaycandakı səfirliyi fəaliyyətə başladı.