Azərbaycan və Avstriya Prezidentləri biznes forumunda iştirak ediblər (FOTO)

Azərbaycan və Avstriya Prezidentləri biznes forumunda iştirak ediblər (FOTO)

Azərbaycan, Bakı, 13 oktyabr /Trend/

Oktyabrın 12-də Azərbaycan Respublikasının Prezidenti İlham Əliyevin və Avstriya Respublikasının Federal Prezidenti Haynts Fişerin iştirakı ilə Azərbaycan-Avstriya biznes forumu keçirilib.

Forum iştirakçıları Azərbaycan və Avstriya prezidentlərini hərarətlə qarşıladılar.

Azərbaycan Prezidenti İlham Əliyev forumda çıxış edərək dedi:

"Bir daha, hörmətli cənab Prezident, Sizi Azərbaycanda salamlayıram. Azərbaycana Xoş gəlmisiniz! Bu, Avstriya-Azərbaycan əlaqələrinin tarixində Avstriya Prezidentinin Azərbaycana birinci səfəridir və bu səfər tarixi xarakter daşıyır. Mən çox şadam ki, səfər çox uğurlu keçir. Əminəm ki, nəticələri də çox uğurlu olacaqdır.
Bizim aramızda çox sıx əməkdaşlıq var və biz çalışırıq ki, bütün sahələrdə əməkdaşlığı dərinləşdirək. Əlbəttə, bunu etmək üçün siyasi əlaqələrin çox böyük əhəmiyyəti vardır. Mən çox şadam ki, Avstriya-Azərbaycan əlaqələrində çox müsbət irəliləyiş vardır. Deyə bilərəm ki, bu əlaqələr hazırda ən yüksək səviyyədədir. Siyasi əməkdaşlıq və beynəlxalq təşkilatlarda əməkdaşlığımız, siyasi əlaqələrin güclü olması istər-istəməz bütün başqa sahələrə də müsbət təsir göstərir. Bu gün bütün başqa məsələlərlə bərabər, biz Sizinlə iqtisadi sahədə əməkdaşlıq haqqında geniş fikir mübadiləsi apardıq. Mən hesab edirəm ki, bu sahədə əldə edilmiş uğurlar və yaxşı nəticələr bizi ruhlandırır, gələcək əməkdaşlığa sövq edir. Avstriya şirkətləri Azərbaycanda müxtəlif sahələrdə uğurla fəaliyyət göstərirlər. Ölkələrimiz arasında ticarət dövriyyəsi çox böyük olmasa da, Avstriya şirkətlərinin Azərbaycanda müxtəlif sahələrdə fəaliyyət göstərməsi çox müsbət bir haldır. Avstriya şirkətləri ölkəmiz üçün çox vacib olan infrastruktur və tikinti layihələrində çalışırlar. Onların fəaliyyəti təqdirəlayiqdir, onlar işləri yüksək keyfiyyətlə görürlər. Bütün kontrakt şərtlərinə əməl edilir və Azərbaycanda böyük quruculuq işlərinin aparılmasında Avstriya şirkətləri bizə dəstək olurlar.
Bu gün biz bu barədə artıq danışdıq. Qeyd etmək istəyirəm ki, ölkəmiz üçün bir neçə vacib layihəni Avstriya şirkətləri icra edir. Onların arasında Bakıda beşulduzlu yeni otelin tikintisini "Strabag" şirkəti aparır. Bakıda yeni, müasir və bölgənin ən müasir aerovağzal kompleksini Avstriyanın "Waagner Biro" şirkəti həyata keçirir, "Şahdağ" Dağ Xizək Kurortunun inşası layihəsini Avstriyanın "Swiss Town Consult/ILF Consulting" və "Doppelmayr Seilbahnen GmbH" şirkətləri aparırlar. Yeni ofis binalarının layihələndirilməsi və dizayn işləri Avstriyanın "Coop Hemilbau" şirkətinə həvalə edilibdir. Ondan başqa, Bakının ən gözəl yerində, bulvarda, Milli Parkda Xalça Muzeyinin inşasını da Avstriyanın "Hoffmann - Janz ZT GmbH" şirkəti icra edir. "BHS İnternational" şirkəti isə Xalça Muzeyinin texniki təchizatı ilə məşğuldur.
Nəhayət, Bakının rəmzi olan Qız qalasının bərpasını da Avstriyanın "Atelier Erich Pummer GmbH" şirkəti icra edir. Bu barədə, cənab Prezident, mən sizə artıq məlumat verdim və söylədim ki, Qız qalası Bakının rəmzidir. Bakıda və ölkəmizin müxtəlif yerlərində tarixi abidələr kifayət qədər çoxdur. Ancaq Qız qalası Bakının rəmzidir. Qız qalası bizim ürəyimizdir, canımızdır. Hər bir azərbaycanlı üçün doğma olan bu abidənin bərpasını Avstriya şirkətinə etibar etmək yəqin ki, özlüyündə bir göstəricidir.
Yəni, sadaladığım bu layihələr, doğrudan da ölkəmiz üçün çox vacibdir və Avstriya-Azərbaycan iqtisadi əlaqələrinin inkişafı üçün də vacibdir. Ümid edirəm ki, hazırda əldə edilmiş yaxşı təcrübə və qarşılıqlı anlaşma gələcək layihələrin icrasına da təkan verəcəkdir".

Dövlət başçısının sözlərinə görə, Azərbaycanda hələ görüləsi işlər çoxdur.

"Bizim iqtisadi inkişafla bağlı konkret, düşünülmüş strategiyamız və konkret proqramlarımız vardır. Ölkəmiz üçün lazım olan bütün infrastruktur layihələri Azərbaycanda yenilənir, yenidən tikilir, bərpa edilir və bu layihələr bütün sahələri əhatə edir. Beləliklə, gələcəkdə Avstriya şirkətlərinin Azərbaycanda podratçı kimi işləmək üçün yeni imkanları olacaqdır. Bir daha demək istəyirəm ki, bizim yerli strukturların nümayəndələrindən də dəfələrlə maraqlanmışam və yerli qurumlar Avstriya şirkətlərinin fəaliyyətindən çox razıdırlar.
Eyni zamanda, hesab edirəm ki, iqtisadi əlaqələrimiz təkcə şirkətlərin layihələrdə iştirakı ilə məhdudlaşmamalıdır. Hesab edirəm ki, indi qarşılıqlı investisiyaların qoyulması üçün yaxşı şərait vardır. Bu sahədə deyə bilərəm ki, biz hələ əməkdaşlığın birinci mərhələsindəyik, birinci addımları atırıq. Azərbaycan şirkətləri indi xaricə böyük həcmdə sərmayə qoyuluşu ilə məşğuldur, həm Avropada, həm başqa ölkələrdə. Azərbaycanın həm dövlət, həm özəl şirkətləri Sizin ölkənizə investisiya qoymaq üçün maraqlı ola bilərlər və bugünkü biznes-forum yəqin ki, hər iki ölkənin imkanlarını təqdim edəcəkdir və edir. Eyni zamanda, Azərbaycan da xarici sərmayə üçün çox əlverişli bir yerdir. Bizdə çox gözəl investisiya mühiti hökm sürür. Xarici sərmayələr qoyulur və birbaşa xarici sərmayələrin həcminə görə Azərbaycan MDB məkanında birinci yerdədir. Deyə bilərəm ki, son 15 il ərzində ölkə iqtisadiyyatına 100 milyard dollar sərmayə qoyulmuşdur və onun böyük hissəsi daxili sərmayədir. Amma kifayət qədər böyük hissə də xarici sərmayələrdir. Xarici sərmayələr Azərbaycanda lazımınca qorunur. Biz bütün kontraktlara böyük hörmətlə yanaşırıq və hesab edirik ki, etimadı qazanmaq üçün məhz əldə edilmiş razılaşmalara hörmətlə yanaşılmalıdır. Ölkəmizin hərtərəfli inkişafı üçün əlbəttə ki, xarici investisiyaların cəlb edilməsi vacibdir. Halbuki deyə bilərəm ki, indiki mərhələdə əvvəlki dövrdən fərqli olaraq, Azərbaycana qoyulan sərmayənin böyük hissəsi daxili mənbələr - həm dövlət, həm özəl sektor hesabına formalaşır. Azərbaycanda investisiya mühiti çox müsbətdir. Bütövlükdə ölkəmizdə bazar iqtisadiyyatına keçid dövrü tamamilə başa çatmışdır. Biz bu il müstəqilliyimizin 20-ci ildönümünü qeyd edəcəyik. İyirmi il əvvəl Azərbaycanda özəl sektorda fəaliyyət göstərən şirkətlər yox idi, ümumi daxili məhsulun yüz faizini dövlət qurumları təmin edirdi. Hazırda ümumi daxili məhsulun 80 faizi özəl sektorda formalaşır, genişmiqyaslı özəlləşdirmə siyasəti aparılmışdır. Özəl sektorun inkişafı üçün dövlətimiz də çox böyük işlər görür, həm yardımlar edir, həm də ki, siyasi dəstək də yüksək səviyyədədir. Yəni, Azərbaycan iqtisadiyyatı bazar prinsipləri ilə tənzimlənir. Bu, azad iqtisadiyyatdır, dünyaya açıq iqtisadiyyatdır və deyə bilərəm ki, artıq güclü iqtisadiyyatdır. Son 7 il ərzində Azərbaycanda ümumi daxili məhsul təxminən üç dəfə artmışdır. Sənaye istehsalı da təxminən üç dəfə artmışdır, yüz minlərlə yeni iş yeri açılmışdır və infrastruktur layihələrinə böyük sərmayə qoyulmuşdur. Təkcə keçən il ölkə iqtisadiyyatına 16 milyard dollar sərmayə qoyulmuşdur ki, bu da bizə imkan verir, biz ölkə qarşısında duran əsas vəzifələri uğurla icra edək", - deyə İlham Əliyev bildirib.

Prezidentin sözlərinə görə, hətta dünyanı bürümüş maliyyə və iqtisadi böhran Azərbaycana o qədər də böyük təsir göstərməmişdir.

"Ən çətin böhranlı illərdə - 2-3 il bundan əvvəl iqtisadiyyatımız artım templərini itirməmişdir. Biz indi iqtisadiyyatın qeyri-neft sektoruna daha çox üstünlük veririk. Bizim prioritetimiz bundan ibarətdir və ölkə iqtisadiyyatının enerji amilindən asılılığını azaltmaq üçün konkret tədbirlər görülür. Qeyri-neft sektorunun inkişafı üçün Avstriya şirkətləri Azərbaycanda bizimlə bərabər yaxşı işləyirlər və gələcəkdə də işləyə bilərlər. Ölkə iqtisadiyyatının şaxələndirilməsi ilə bağlı konkret tədbirlər görülür.
Mənə verilən məlumata görə, bugünkü biznes forum çox böyük maraq doğurur. Mən çox şadam ki, Avstriyadan bu forumda iştirak etmək üçün çoxsaylı iş adamları gəlmişlər və onlar yerli həmkarlarla birgə işləyirlər. Mənə verilən məlumata görə, forum çərçivəsində üç sənəd imzalanmışdır. Bu da çox gözəl göstəricidir. Bu gün yaranan təmaslar, hər iki ölkə iqtisadiyyatı haqqında səslənən təqdimatlar və təkliflər bizə daha da yaxşı şəraitin yaradılmasına imkan verəcəkdir. Bəzi hallarda ticarət dövriyyəsinin o qədər də yüksək səviyyədə olmamasının səbəbi də ondadır ki, məlumat qıtlığı vardır. Avstriya şirkətləri Azərbaycanın imkanlarını, Azərbaycan şirkətləri isə Avstriyanın imkanlarını bəlkə də yaxından bilmirlər. Belə forumların keçirilməsi bu boşluğu da dolduracaqdır. Biz bu gün, eyni zamanda, enerji əməkdaşlığı haqqında geniş danışdıq. Enerji siyasəti Azərbaycan üçün çox önəmlidir. İndiki mərhələdə enerji siyasətimiz və strategiyamız təkcə Azərbaycan üçün deyil, bölgə üçün, Avropa üçün də əhəmiyyət kəsb edir. Azərbaycan bu sahədə etibarlı tərəfdaş kimi özünü artıq göstəribdir. Bu ilin əvvəlində Avropa İttifaqı ilə Azərbaycan arasında "Cənub" qaz dəhlizi üzrə bəyannamə qəbul edilmişdir, işçi qrupu yaradılmışdır, işlər başlamışdır. Azərbaycan zəngin neft-qaz ehtiyatlarına malik olan ölkə kimi Avropanın enerji təhlükəsizliyinin təmin edilməsi üçün öz rolunu oynayır və əminəm ki, gələcəkdə daha da fəal rol oynayacaqdır. Çünki biz bu gün cənab Prezidentlə görüş əsnasında belə bir fikir ifadə etdik ki, bu, hər tərəfi gücləndirən və hər tərəfin maraqlarına cavab verən əməkdaşlıqdır. Biz yeni, böyük qanunlarla tənzimlənən bazara çıxmış olacağıq, Avropa istehlakçıları isə yeni alternativ mənbədən - etibarlı tərəfdaşdan əlavə enerji resursları alacaqlar. Deyə bilərəm ki, bu sahədə Avropa ölkələri ilə Azərbaycan arasında əməkdaşlığın artıq gözəl tarixi vardır. Bir neçə ildir ki, Azərbaycan Avropa ölkələrinə böyük həcmdə neft ixracı ilə məşğuldur. Bir sıra Avropa ölkələrinin daxili enerji balansında Azərbaycan nefti bəzi hallarda 20, bəzi hallarda 30-40 faiz təşkil edir. Yəni, bu təcrübə var, əməkdaşlıq da vardır. Deməli, bizim ixracımızın 50 faizdən yuxarı hissəsi Avropa İttifaqı ölkələrinə nəql edilir. Ona görə biz qaz sahəsində artıq yaradılmış çərçivələr daxilində uğurlu əməkdaşlıq edə bilərik. Şübhəsiz, bu mövzu da bu gün fikir mübadiləsi zamanı geniş işıqlandırılmışdır.
Mən bir daha demək istəyirəm ki, Avstriya-Azərbaycan əlaqələri son illər ərzində çox sürətlə inkişaf edir. Bu əlaqələr bütün sahələri əhatə edir. Yəqin ki, bu gün forumda, əlbəttə, daha çox iqtisadi əlaqələrdən söhbət aparılıb və bu əlaqələr nə qədər güclü olsa bizim siyasi münasibətlərimiz də o qədər güclü olacaqdır. Mən bir daha, cənab Prezident, Sizi və forumun iştirakçılarını salamlayıram, forumun işinə uğurlar arzulayıram", - Prezident İlham Əliyev deyib.

Avstriya Prezidenti Haynts Fişer biznes-forumda çıxış edərək dedi:

"Mən də istəyirəm ki, bu səfəri həyata keçirməyə dəvətə görə təşəkkürümü bildirim. Səfərimin çox əla təşkilinə görə təşəkkürümü bildirirəm. Bu, onu göstərir ki, həm də Siz bu gün qonaqlar üçün nə qədər vaxt ayırmısınız. Bu gün xeyli görüşlərimiz oldu. Bunların hamısı səfərin uğurlu keçməsinin göstəricisidir. Mən çox təşəkkür edirəm ki, Siz həm mətbuat konfransında, həm də indi bu biznes-forumda bizim apardığımız söhbətlərin məzmununu yüksək qiymətləndirirsiniz, buna müsbət münasibət bildirirsiniz. Biz çox müxtəlif mövzular haqqında danışmışıq. Biz bunu hiss etmişik, duymuşuq ki, Siz bizim arqumentlərimiz, baxışlarımız üçün açıqsınız. Söhbət məhz qazla bağlı məsələlərdən gedir. Siz, eləcə də bizim "Nabukko"ya aid mövqeyimizə açıqsınız. Zənnimcə, biz növbəti mərhələdə atacağımız addımlara daha çox aydınlıq gətirməliyik ki, hər iki tərəf üçün sərfəli vəziyyət yaransın, bunun həm Azərbaycana, həm Avstriyaya, həm də Avropaya xeyri olsun. Bunun uğurla həyata keçirilməsi üçün hansı addımların atılmasının lazım olması barədə biz bu gün danışıqlar aparmışıq. Siz həm də Avstriya şirkətləri haqqında çox müsbət fikir bildirdiniz. Bu, həm özəl iqtisadiyyatlarımız, həm də ölkələrimizin siyasi rəhbərliyi üçün çox yaxşıdır. "Strabag", əlbəttə, bütün Avropada çox tanınmış bir şirkətdir, məşhur bir brenddir. Ən azı Avropanın ikinci ən böyük şirkətidir. O, böyük bir alman şirkətini almışdır. Adətən, alman şirkətləri Avstriya şirkətlərini alır. Bu halda isə Avstriyanın "Strabag" şirkəti böyük bir alman şirkətini almış və bu işi çox uğurla həyata keçirmişdir. Mən Rusiyaya, yaxud başqa bir ölkəyə gedərkən görürəm ki, "Strabag" orada fəaliyyət göstərir. "Strabag" Soçidə tikinti işləri həyata keçirir, orada bəzi yubanma halları olsa da, işin sürəti artırılır ki, obyekt vaxtında hazır olsun. Yaxud da ki, Çinə gedəndə orada da "Strabag"ın işini görürəm. Yaxın Şərqdə yenə "Strabag"ı görürəm. Təbii ki, bu şirkət Qərbi Avropada daha çox tanınır.
Başqa şirkətləri, xüsusən Sizin adını çəkdiyiniz OMV şirkətinin fəaliyyətini də qeyd etmək istəyirəm. Hətta qısqanıram ki, OMV-nin baş direktoru Sizin yanınızda daha çox olub, nəinki mən. Buna görə də bir az qısqanıram. Amma mən də çalışacağam ki, Sizinlə onun qədər görüşüm. Biz paytaxtlarımızdan kənarda da görüşlər keçirə bilirik. Məsələn, başqa ölkələrdə də görüşməyə imkanımız vardır. Bununla da şansım artır.
Siz Qız qalasında işləyən Avstriya şirkətini xatırlatdınız. Qız qalası bənzəri olmayan milli abidədir. Həmin o Avstriya şirkətinin rəhbəri iki həftə Vyanada, iki həftə Qız qalasında işləyir. Orada - Vyanada Stephansdomda işləyir. O da Vyananın ən böyük kilsəsidir. Bizim məşhur tarixi abidəmizdir. Həmin abidə XIV əsrdə tikilmişdir. Yəni, həm biz, həm də siz ürəyimiz hesab etdiyimiz abidələri o şirkətə etibar edirik. Cənab Prezident, Siz, həmçinin iqtisadi münasibətlərimizə aid rəqəmləri xatırlatdınız. Onlar çox müsbət rəqəmlərdir. Bu forumun çoxsaylı iştirakçıları da onun göstəricisidir, aydın bir siqnaldır ki, ötən illərdə qarşılıqlı maraq çox artıb. Azərbaycana Avstriya ixracı 70 faiz artıb. Bizim iqtisadiyyatla məşğul olan nümayəndələrimiz hər halda bunu belə qiymətləndirir. Azərbaycandan da Avstriyaya ixracda xeyli artım olub. Son illərdə ixrac iki dəfə artıb.
Azərbaycan bu gün Avstriyanın Cənubi Qafqazda ən vacib ticarət tərəfdaşıdır. Əlbəttə, burada qaz da çox böyük əhəmiyyət kəsb edir. Qaz enerji daşıyıcısıdır və bu, növbəti onilliklərdə Avropa üçün daha da əhəmiyyətli olacaqdır. Avstriya atom enerjisindən könüllü olaraq imtina etmiş ölkələrdəndir. Almaniya da, İsveçrə də atom elektrik stansiyalarından imtina edib. Yəni, atom enerjisi Avropada azalmağa doğru gedir. Deməli, Avropada nüvə enerjisindən istifadə azalacaq və təbii qazın istehlakı artacaqdır. Ona görə, bizə ədalətli müqavilələr lazımdır ki, gələcəkdə artan tələbatı ödəyə bilək."

Haynts Fişerin sözlərinə görə, iki tərəf "Nabukko" layihəsini da müzakirə edib.

"Biz danışıqlar zamanı bununla bağlı yaxşı xəbərlər aldığımızı bildirdik. İqtisadiyyatın bizi maraqlandıran başqa sahələri də vardır. Bu, turizmdir. Turizm Avstriyada çox böyük rol oynayır. Bu gün mən Almaniya ilə Avstriya arasında iqtisadi mübadilə haqqında bir rəqəm dedim və bu Prezidenti təəccübləndirdi. Avstriyanın cəmi iki şəhərinə - Tirola və Salzburqa gələn alman turistlərin sayı Yunanıstana gedən bütün turistlərin sayından xeyli çoxdur. Avstriyanın iki şəhəri daha çox turist cəlb edir, nəinki Yunanıstan. Çünki Avstriya turizm baxımından çox cəlbedicidir.
Bununla əlaqədar Avstriyada otel tikintisi də çox sürətlə inkişaf edib. Avstriyanın iri metallurgiya müəssisələrindən biri ölkənin ən böyük xəstəxana binasını tikmişdir. Bu, bir neçə yüz milyonluq layihədir. Həmin müəssisə bu sahədə çox böyük təcrübə qazanıb. Həmin şirkət Avropada xəstəxanaların texniki təchizatı üzrə çox geniş fəaliyyət göstərir. O, həm müasir tibbi avadanlığın tədarükü, həm də işçi heyətin hazırlığı ilə məşğul olur. Mən Avropanın bir çox ölkələrinin prezidentlərini tanıyıram ki, gəlib Avstriyada müalicə olunurlar. Şusteri tanıyırsınız, onunla görüşmüsünüz. Maraqlansanız, o, mütləq təsdiq edəcəkdir ki, Elsburqdakı xəstəxananın sayəsində sağlamlığını bərpa edib. Onun beynində cərrahiyyə əməliyyatı aparılmışdır. Başqa yerdə əməliyyat oluna bilmirdi. Bu əməliyyat yalnız Elsburqda həyata keçirilmişdir. Başqalarının adını çəkmirəm, onlar da Vyanada və ya bizim başqa şəhərlərimizdə müayinədən keçiblər. Xanımlar və cənablar, deyəsən, mən çox danışdım, amma müsbət şeylərdən danışdım. Əlavə etməliyəm ki, bu, heç də o demək deyildir ki, biz artıq razıyıq və bununla da kifayətlənmək istəyirik. Bu, heç də belə deyildir. Daha yaxşı olan yaxşının düşmənidir. Yəni biz daha böyük potensial, artım üçün geniş imkanlar görürük və istəyirik ki, bunlarla da məşğul olaq.
Avstriya elə bir ölkədir ki, çox əla mövqeyi vardır. Əvvəllər, necə deyərlər, Berlin divarlarının mövcudluğu dövründə, yəni Avropada "dəmir pərdə" olanda mövqeyimiz elə də yaxşı deyildi. Biz kənarda, çox pis vəziyyətdə idik. Vyanadan cəmi 50-60 kilometr məsafədə yerləşən Macarıstan Şərqlə Qərbi ayıran sərhəd idi. İndi isə bu maneələr yoxdur, Avstriya çox əlverişli mövqedədir. Biz indi Avropanın ürəyində yerləşirik. Bu, bizim üçün, inkişafımız üçün çox yaxşıdır. Biz Vyanadan Bratislavaya maşınla 40 dəqiqəyə gedib çıxa bilirik, bu məsafə cəmi 50 kilometrdir. Vyanadan Çexiya sərhədinə bir saat, Budapeştə iki saatdır. Bizim yerimiz indi çox yaxşıdır. Şvexart hava limanından bütün beynəlxalq hava limanlarına birbaşa əlaqələr vardır. Bu da Vyananı, Avstriyanı cəlbedici edən əsas faktlardan biridir.
Avstriyada çox güclü sosial sabitlik vardır. Adambaşına düşən ümumi daxili məhsul 32 min Avrodur. Bu, Almaniyada, Fransada, İsveçdə, İtaliyadakı müvafiq göstəricidən çoxdur. Bu, çox yaxşı bir göstəricidir. Lüksemburq, Lixtenşteyn bizdən irəlidə olan ölkələrdir. Onların xüsusi imtiyazları vardır. Lixtenşteynin 30 min əhalisi vardır. Avstriyadan 50 min nəfər oraya gedib gəlir. Bankla bağlı orada xüsusi imtiyazlar vardır. Amma o ölkələrlə ki, biz daha yaxşı müqayisə oluna bilərik, orada birmənalı olaraq üstün mövqedəyik. Buna da diqqəti cəlb etmək istəyirəm.
Bizim dövlət idarəçiliyimiz də yaxşıdır. Yəni Avstriya yaxşı idarə olunan bir dövlətdir, cəlbedicidir, təhlükəsizdir. Bir çox beynəlxalq təşkilatlar öz mərkəzlərini və ofislərini bizim ölkədə qururlar. İqtisadi baxımdan da güclü bir dövlətik. Vyananın burqomistrinin vitse-spikeri iki həftə əvvəl Bakıda idi. Mən istərdim ki, belə əlaqələr, səfərlər qarşılıqlı olsun.
Avstriyanı reklam etmək çox uzun çəkər. Mən çox qısa bir hissəni - danışa biləcəklərimi söylədim", - deyə Avstriya Prezidenti bildirib.

Dövlət qulluğu üzrə müsabiqənin test imtahanında iştirak etmək üçün qeydiyyat elan edilib
Dövlət qulluğu üzrə müsabiqənin test imtahanında iştirak etmək üçün qeydiyyat elan edilib
İstedadlı şagirdlər eksternat qaydasında imtahan verib
İstedadlı şagirdlər eksternat qaydasında imtahan verib
20 Yanvar hadisələri ilə əlaqədar əlilliyi olanların ictimai birliklərinin rəhbərləri ilə işçi görüş olub (FOTO)
20 Yanvar hadisələri ilə əlaqədar əlilliyi olanların ictimai birliklərinin rəhbərləri ilə işçi görüş olub (FOTO)
Loading Bars
Xəbər lenti
Prezident İlham Əliyev: Bu çətin vaxtda mənəvi-siyasi dəstək bizim xalqımız üçün olduqca vacibdir
Azərbaycanın avtomobil parkı kifayət qədər köhnədir - Ekspert
Prezident İlham Əliyev: Şuşa hələ çox beynəlxalq tədbirlər görəcək
Azərbaycan Prezidenti: Zənnimcə, lap yaxın vaxtlarda biz hamımız dirçəldilmiş şəhərləri görəcəyik
Azərbaycan Prezidenti: Türk Şurası müharibə dövründə bizi hamıdan çox dəstəkləyən təşkilatdır
BNA sürücü və sərnişinlərə xəbərdarlıq etdi
“Gömrük orqanlarında xidmət haqqında Əsasnamə”də dəyişiklik edilib
Prezident İlham Əliyev: Gələcək nəsillər yadda saxlasınlar ki, yalnız öz gücümüzə güvənməliyik.
Prezident İlham Əliyev: XX əsrdə belə barbarlıq, şəhərlərin və kəndlərin qəsdən məhv edilməsi görünməyib
Prezident İlham Əliyev: Xarici jurnalistlər Ağdamı “Qafqazın Xirosiması” adlandırıblar
MM Komitəsi azad edilmiş ərazilərdə aqrar sahənin inkişafını qiymətləndirəcək
Dövlət qulluğu üzrə müsabiqənin test imtahanında iştirak etmək üçün qeydiyyat elan edilib
Şəhid ailələrinə və əlillərə birdəfəlik yardım göstərilib
Ombudsman 20 Yanvar faciəsinin 31-ci ildönümü ilə əlaqədar bəyanat yayıb
İstedadlı şagirdlər eksternat qaydasında imtahan verib
20 Yanvar hadisələri ilə əlaqədar əlilliyi olanların ictimai birliklərinin rəhbərləri ilə işçi görüş olub (FOTO)
“Azərsu” vətəndaşlara müraciət edib (FOTO)
Azərbaycanda 949 nəfər COVID-19-dan sağalıb, 305 nəfər yoluxub, 10 nəfər vəfat edib
Bakı Beynəlxalq Dəniz Ticarət Limanında yükaşırmanın həcmi artıb
MİDA və YAP Nəsimi Rayon Təşkilatının 20 Yanvar faciəsinin 31-ci ildönümünə həsr olunmuş birgə sosial aksiyası keçirilib (FOTO)
Azərbaycan koronavirusa qalib gələn ilk ölkələr sırasında olacaq - Deputat
İğdır şəhərində 20 Yanvar şəhidləri anılıb (FOTO)
Azərbaycanda iqtisadi artımın yüksək trayektoriyaya keçmək imkanları var - Vüsal Qasımlı
Beynəlxalq Multikulturalizm jurnalı Ali Attestasiya Şurasında qeydiyyata alınıb
Bakı Ali Neft Məktəbində “Qarabağın Təbii Sərvətləri” mövzusunda vebinar keçiriləcək
“Akkord STİK” ASC və “Qazax Sement Zavodu” MMC “Qarabağ Dirçəliş Fondu”na 400 min manat ianə köçürüb
Torpaq sahələrində aqrokimyəvi analizlərin həyata keçirilməsində yeniliklər olacaq
Ötən il özəlləşdirmə və icarədən büdcəyə 72 milyon manat daxil olub
İranda bir gündə 6 minə yaxın şəxs koronavirusa yoluxub, 87 nəfər ölüb
Bakı Slavyan Universitetində 20 Yanvar şəhidlərinin xatirəsi yad edilib (FOTO)
Dövlət Vergi Xidməti əməkdaşlarının məqaləsi beynəlxalq nəşriyyatda çap olunub
Aİİ-də 20 Yanvar Ümumxalq Hüzn Gününə həsr olunmuş tədbir keçirilib (FOTO)
“Zəfər yolu” sentyabr ayınadək asfaltlanaraq istifadəyə veriləcək (FOTO)
Şəhidlər Xiyabanına vətəndaşların ziyarəti əvvəlki illərdən fərqli təşkil ediləcək - DİN
Hirkan Milli Parkındakı yanğın nəticəsində dəyən zərər hesablanır - Xidmət rəisi
Ombudsman 20 Yanvar abidə kompleksini ziyarət edib (FOTO)
Məktəblərin açılması xəbərlərinə Təhsil nazirliyindən cavab
Ötən il Mətbuat Şurasına göndərilən şikayətlərin sayı açıqlanıb
Azad edilmiş ərazilərdə Prezidentin xüsusi nümayəndəlikləri təsis edilir - Fərman
Prezident İlham Əliyev Türkdilli Dövlətlərin Əməkdaşlıq Şurasının Baş katibini videoformatda qəbul edib (FOTO/VİDEO) (YENİLƏNİB)
Aİ ölkələrində yeni avtomobil satışı rekord həddə azalıb
Ermənilərin meşə fonduna, təbii sərvətlərə vurduğu ziyan hesablanır - Nazir müavini (FOTO/VİDEO)
Azərbaycanda yeni qızıl-mis yatağı kəşf edilib (ƏLAVƏ OLUNUB)
Türkiyə Azərbaycanla Preferensial ticarət sazişini ratifikasiya edib
Yol polisi hava şəraiti ilə bağlı sürücülərə xəbərdarlıq etdi
Azərbaycan əhalisi benzinə və dizelə 2 milyard manatdan artıq vəsait xərcləyib
COVİD-19-a qarşı vaksin bu şəxslərə vurulmaya bilər - RƏSMİ
Artıq 14 nəfər peyvənd olunub, vəziyyətləri yaxşıdır - Baş həkim
Sabahın hava proqnozu açıqlanıb
Qaxa 35 santimetr qar yağıb (FOTO)
Füzuli rayonunun Şəkərcik kəndi (FOTO/VİDEO)
Şuşada 2 su mənbəyi bərpa olunub, təminatın yaxşılaşdırılması üçün su maşını ayrılıb - Azərsu (ÖZƏL)
Ermənistanda Koçaryanın məhkəməsi bərpa olunub - Etiraz aksiyası keçirilir
Qarabağ Dirçəliş Fondunun Müşahidə Şurasının görəcəyi işlər - SİYAHI
Qida məhsullarının müştərilərə çatdırılması xidməti necə həyata keçirilməlidir?
Azərbaycanda qızıl ucuzlaşıb
Qarabağ Dirçəliş Fondunun fəaliyyət istiqamətləri müəyyənləşib
Koronavirusdan sağalanlar da maskadan istifadə etməlidir - Səhiyyə Nazirliyi
İkinci mərhələdə koronavirusa qarşı peyvənd kimlərə vurulacaq?
Rusiyada son sutkada 586 nəfər koronavirusdan ölüb
Bank məlumatlarınızı bu saytlara daxil etməyin - Nazirlikdən xəbərdarlıq (FOTO)
Yapon şirkətləri azad edilmiş ərazilərdə elektroenergetika üzrə bərpa işlərində maraqlıdır - Səfir (FOTO)
2020-ci ildə Rusiya "SOCAR Polymer"in ən iri idxalatçısı olub
Zəfər muzeyinin konsepsiyasının hazırlanması üzrə bir sıra işlərə başlanılıb - Nazirlik
Gədəbəydə əmisini öldürən şəxsin işi məhkəməyə göndərildi
Azərbaycanın bank sektorunda kifayət qədər pul var - Vüsal Qasımlı
Qarabağ Dirçəliş Fondunun strukturu təsdiqləndi, nizamnamə fondu isə 1 milyon manatdır
Polietilen torbaların, birdəfəlik plastik qabların idxalına qadağa qoyuldu - DGK
2778 şəhidin 6790 ailə üzvünə pensiya, müavinət və təqaüd təyinatı aparılıb
Kəlbəcər mənim üçün Azərbaycan, xatirələrdə canlandırılan Vətən torpağıdır - BANM-in Prezident təqaüdçüsü
Bu günədək tərxis edilmiş şəxslərlə bağlı komissiya 570 müraciəti yerində həll edib (FOTO)
Əksər rayonlarda yağış, qar yağıb
Mövcud dəlillər Paşinyanın həbsi üçün kifayət edir - Ermənistanın baş prokuroru
Azərbaycan nefti bahalaşıb
Bir gündə cinayət törədən 39 nəfər saxlanılıb
Xaricə səfər üçün peyvəndlə bağlı sənəd tələb ediləcək? - TƏBİB açıqladı
Cəlilabadda avtomobildən 32 kiloqramdan artıq narkotik aşkarlanıb
Azərbaycan Qarabağda yaşıl enerji zonalarının yaradılması üçün beynəlxalq şirkətlərlə əməkdaşlıq edəcək - Nazir (FOTO)
Azərbaycan Prezidenti indoneziyalı həmkarına başsağlığı verib
MEDİA-nın həlli mümkün problemləri - TƏHLİL
Koronavirusa yoluxan şəxslər peyvənd ediləcəkmi? - TƏBİB-dən açıqlama (ÖZƏL)
İsmayıllı sakinindən narkotik vasitə götürüldü
Ötən il sosial şəbəkələrdə narkotik satanlardan 131 kiloqrama yaxın heroin aşkarlanıb
AAYDA hava şəraiti ilə bağlı gücləndirilmiş rejimə keçdi, 800 ton qum-duz yığıldı
Şabranda idarə rəisi cərimələnib (FOTO/VİDEO)
Daha iki şəhid ailəsinə təqaüd kartları təqdim edilib (FOTO)
Ötən il icbari tibbi sığorta çərçivəsində 1252 ürək və damar cərrahiyyəsi aparılıb
Polisdən hava şəraiti ilə bağlı sürücülərə XƏBƏRDARLIQ
Kapital Bank artıq Qubadlıda!
Yaponiyada qar təmizləyərkən 60 nəfər həlak olub
İlin əvvəlindən Ceyhan terminalından 8,6 milyon barelə yaxın AÇG nefti yola salınıb
Prezident İlham Əliyevin hakimiyyətə gəldiyi ilk gündən Qarabağın azad olunması vazkeçilməz hədəfə çevrilmişdi - Elçin Mirzəbəyli
Hirkan Milli Parkında yanğın söndürülüb
Bakıda qarlı havaya görə 50-dən çox texnika hazır vəziyyətə gətirildi (FOTO)
Koronavirusun qarşısını yalnız peyvəndlə almaq mümkündür - Deputat
Xaçmaz KOB evində sahibkarlara 20 mindən çox xidmət göstərilib (FOTO)
Azərbaycanla İran arasında yeni avtomobil körpüsü tikiləcək
Goranboyda 2 polis əməkdaşı döyüldü
Qaz sızmaları aradan qaldırılır
Azərbaycan 2020-ci ildə 13 milyard dollardan çox məhsul ixrac edib
Bütün xəbərlər