Azərbaycan, Bakı, 18 noyabr /Trend/
Azərbaycan Ukrayna və Belarusla hərbi-texniki əməkdaşlığı genişləndirəcək.
Azərbaycanın müdafiə naziri Səfər Əbiyev Almatıda MDB Müdafiə Nazirləri Şurasının iclasında iştirak çərçivəsində Ukraynanın müdafiə naziri Mixail Yejel və Belarusun müdafiə naziri Yuri Jadobinlə görüşlər keçirib. Trend-in məlumatına görə, bu barədə cümə günü Ukrayna KİV xəbər verir.
Görüşlər zamanı Azərbaycanla bu ölkələr arasında müdafiə sahəsində ikiktərəfli əməkdaşlığın inkişafı məsələləri müzakirə olunub.
Həmin görüşlərin yekunları üzrə Azərbaycan və Ukraynanın müdafiə nazirləri 2012-ci ildə iki ölkənin Müdafiə nazirlikləri arasında ikitərəfli əməkdaşlıq üzrə tədbirlər planını imzalayıblar.