Azərbaycan, Bakı, 9 dekabr /Trend, müxbir K.Zərbalıyeva/
Azərbaycanın daxili işlər orqanlarında kadr dəyişikliyi olub.
Daxili İşlər Nazirliyinin mətbuat xidmətindən cümə günü Trend-ə bildirilib ki, daxili işlər naziri, general-polkovnik Ramil Usubovun müvafiq əmri ilə Qobustan Rayon Polis Şöbəsinin (RPŞ) rəisi Namiq Camalov tutduğu vəzifədən azad edilib. Nazirin digər əmri ilə Camalov Cəlilabad RPŞ-yə rəis təyin olunub.
Qeyd edək ki, bir neçə gün öncə Daşkəsən Rayon Polis Şöbəsinin (RPŞ) rəisi, polis polkovniki Arif Babayev tutduğu vəzifədən azad edilib və o Zaqatala RPŞ-yə rəis təyin olunub.
Bir müddət əvvəl Zaqatala RPŞ-nin rəisi Faiq Şabanov Bakının Xəzər Rayon Polis İdarəsinin rəisi təyin edilib.
Azərbaycanın daxili işlər orqanlarında kadr dəyişikliyi olub
Azərbaycanın daxili işlər orqanlarında kadr dəyişikliyi olub.
