Azərbaycan, Bakı, 13 mart / Trend müxbir T.Cəfərov/
Azərbaycanın müdafiə naziri Səfər Əbiyev bu gün səhər İran İslam Respublikasının ali liderinin nümayəndəsi və Milli Təhlükəsizlik Şurasının katibi Səid Cəlili ilə görüşüb. Trend-in məlumatına görə, bu barədə İranın İRNA xəbər agentliyi məlumat verir.
Görüşdə Cəlili deyib ki, İran və Azərbaycanın təhlükəsizliyi bir-birinə bağlıdır, bəzi məsələlərin iki ölkə arasındakı münasibətlərə təsir etməsinə imkan verilməməlidir.
Görüşdə tərəflər ölkələr arasında münasibətlərin genişləndirilməsinin zəruriliyini vurğulayıblar.