Azərbaycan, Bakı, 16 mart /Trend, müxbir S.Ağayeva/
Dəməşqdə vəziyyət nisbətən normallaşıb və Azərbaycanın Suriyadakı səfirliyi gücləndirilmiş təhlükəsizlik tədbirləri şəraitində olmaqla, adi rejimdə işləməyə davam edir. Bu barədə cümə günü Trend-ə Azərbaycanın Suriyadakı səfiri Mahir Əliyev telefonla bildirib.
O qeyd edib ki, Azərbaycan bu ölkədə səfirliyini bağlamaq niyyətində deyil.
Qeyd edək ki, bir gün əvvəl Fars Körfəzi Ərəb Ölkələrinin Əməkdaşlıq Şurasının iştirakçıları Dəməşqdəki səfirliklərini bağlamaq haqqında qərar veriblər.