Prezident İlham Əliyev: Əminəm ki, London Yay Olimpiya Oyunları Azərbaycan idmanının növbəti təntənəsi olacaq

Prezident İlham Əliyev: Əminəm ki, London Yay Olimpiya Oyunları Azərbaycan idmanının növbəti təntənəsi olacaq

Azərbaycan, Bakı, 3 iyul /Trend, müxbir M.Əliyev/

Bu gün biz London Yay Olimpiya və Paralimpiya oyunlarında iştirak edəcək Olimpiya və Paralimpiya komandalarımızı rəsmi qaydada yola salırıq. Bu ayın sonunda Olimpiya və Paralmpiya oyunları keçiriləcək və mən bütün idmançılarımıza uğurlar arzulayıram. Bu gün Azərbaycanda idman sürətlə və uğurla inkişaf edir. İdmanın inkişafı Azərbaycanda dövlət siyasətidir və Azərbaycan dövləti Azərbaycan idmanının inkişafı üçün konkret addımlar atır. Trend-in məlumatına görə, bunu Prezident İlham Əliyev çərşənbə axşamı Heydər Əliyev Mərkəzində 2012-ci il XXX London Yay Olimpiya Oyunlarında iştirak edəcək Azərbaycan nümayəndə heyətinin yola salınması mərasimində çıxışı zamanı deyib.

"Bu gün bu siyasət davam etdirilir. İdman cəmiyyətimizin ayrılmaz hissəsidir, cəmiyyətimizdə idmançılarımıza olan hörmət yüksək səviyyədədir, idmançıların məişət problemləri yüksək səviyyədə həll edilir və bütün bu amillər hər bir idman növünün inkişafına böyük təkan verir. Eyni zamanda, gənclərdə, yeniyetmələrdə, uşaqlarda idmana olan marağı artırır. Və mən çox şadam ki, idman bölmələrinə axın kütləvi xarakter alıb. İndi idmanla məşğul olmaq üçün bütün şərait var və biz idmanın inkişafı ilə bir neçə vacib məqsədi təmin edirik. İlk növbədə, ölkəmizin idman şöhrətini yüksəklərə qaldırırıq, eyni zamanda, idmanın kütləviliyini təmin edirik. İdman infrastrukturunun tikilməsi ilə bu kütləvilik daha da geniş vüsət almışdır və idman hər bir insanın sağlamlığı üçün çox mühüm olan amildir", - İlham Əliyev deyib.

Prezident qeyd edib ki, idman insanları həm fiziki cəhətdən sağlam edir, həm də gözəl milli-mənəvi dəyərlərimizi idmançılara aşılayır.

"Bir sözlə, Azərbaycanda idmanın inkişafına dair siyasət çox uğurludur və deyə bilərəm ki, bəzi ölkələrdə bizdə olan təcrübə öyrənilir və tətbiq edilir. İdmanın inkişafını müəyyən edən bütün amillər Azərbaycanda var. İdmançılarımız beynəlxalq arenalarda ölkəmizi ləyaqətlə təmsil edirlər, hər il yüzlərlə medal qazanırlar və həm dünya, həm Avropa çempionatlarında Azərbaycanın milli bayrağı dalğalanır, Azərbaycan milli himni səslənir. Əlbəttə, hər bir Azərbaycan vətəndaşı üçün bu, böyük sevincdir, böyük fərəh hissi yaradır və mən əminəm ki, bundan sonrakı dövrdə də idmançılarımız ölkəmizi ləyaqətlə təmsil edəcəklər", - dövlət başçısı çıxışında bildirib.

İlham Əliyevin sözlərinə görə, idmanın kütləviliyinin təmin edilməsi üçün Azərbaycanda geniş tikinti-quruculuq işləri aparılır.

"Hazırda 34 regional Olimpiya mərkəzi tikilib, 8 mərkəzdə tikinti davam edir və əminəm ki, yaxın zamanlarda hər bir rayon mərkəzində müasir Olimpiya idman kompleksi açılacaq. Bu siyasəti biz 2000-ci ildən başlamışıq və son 12 il ərzində, demək olar ki, bölgələrimizin əksəriyyətində müasir Olimpiya mərkəzləri tikilib. Gənc idmançılar, uşaqlar bu imkanlardan səmərəli şəkildə istifadə edir və bizim Milli Olimpiya komandamızın tərkibində olan idmançıların bəziləri də məhz son illər ərzində tikilmiş Olimpiya komplekslərində öz idman fəaliyyətini başlamışlar. Yenə də qeyd etmək istəyirəm ki, bu, həm idmanın kütləviliyini təmin edir, eyni zamanda gənc idmançılarımızın yetişdirilməsində də çox mühüm bir vasitədir", - Prezident deyib.

Dövlət başçısı qeyd edib ki, Azərbaycanda idmanın inkişaf dinamikası da çox müsbətdir, yeni gənc nəsil yetişir və Olimpiya komandamızın tərkibində olan idmançıların böyük əksəriyyəti ilk dəfə olaraq Olimpiya Oyunlarında iştirak edəcəklər.

"Bu, onu göstərir ki, idman ardıcıllıqla inkişaf edir, idmanda nəsillər dəyişir və gənclər də çempionların yerlərini tuturlar. Gənclərin idmana olan marağı xüsusilə böyük əhəmiyyətə malikdir. Və bu maraq eyni zamanda beynəlxalq yarışların nəticələrində də özünü göstərir. Gənclər arasında keçirilən Olimpiya Oyunlarında Azərbaycanın gənc idmançıları böyük uğurlar qazanmışlar və komanda hesabında 32-ci yeri tutmuşlar. Bu, onu göstərir ki, idman Azərbaycanda ardıcıl şəkildə inkişaf edir, gənclər idmana böyük maraq göstərir və beləliklə, bundan sonra da gənc, istedadlı idman nəsli yetişdikcə biz uğurlarımızı davamlı edəcəyik", - Prezident bildirib.

İlham Əliyev deyib ki, idman hər bir insan üçün gündəlik həyat tərzi olmalıdır.

"Hər bir vətəndaşa idmanla məşğul olmağı tövsiyə edirəm. İdmanın çox böyük xeyri var - idman insanı fiziki cəhətdən möhkəm edir, idmançılar, xüsusilə də Azərbaycan idmançıları böyük mənəvi dəyərlərə malikdirlər və təsadüfi deyil ki, Azərbaycan cəmiyyətində idmançılara çox böyük hörmət var. bizim idmançılarımız bu hörməti həm öz qələbələri ilə, həm də cəmiyyətdə olan fəaliyyətləri ilə qazanıblar. Azərbaycan nisbətən gənc müstəqil dövlətdir, bizim müstəqilliyimizin cəmi 20 yaşı var. Ancaq bütün sahələrdə olduğu kimi, idman sahəsində də böyük uğurlar qazana bilib və bu gün dünyada Azərbaycan idman dövləti kimi tanınır, beynəlxalq idman ailəsində layiqli yer tuta bilmişik və bu gün Azərbaycan idmançıları hər bir rəqib üçün çox ciddi sınaqdır", - dövlət başçısı bildirib.

Prezidentin sözlərinə görə, idman ölkəsi adını qazanmaq asan məsələ deyil.

"Biz öz əməyimizlə, idmançılarımızın zəhməti ilə, məşqçilərin əməyi ilə bu adı qazanmışıq. Və eyni zamanda, Azərbaycanda idmanda idarəçilik sistemi də mükəmməldir. Mən şəxsən onun şahidiyəm ki, bir çox ölkələrdə Azərbaycandakı təcrübə öyrənilib. Çünki bəzi hallarda idman federasiyaları arasında, cəmiyyətdə və klublar arasında, Milli Olimpiya Komitəsi və nazirliklər arasında ziddiyyətlər olur. Azərbaycanda isə bütün idman qurumları vahid komanda şəklində fəaliyyət göstərir - Milli Olimpiya Komitəsi, Gənclər və İdman Nazirliyi, federasiyalar, idman cəmiyyətləri və klublar. Çünki bizim məqsədimiz ondan ibarətdir ki, ölkədə idmanı inkişaf etdirək və Azərbaycanın uğurlarını təmin edək. Bu idarəçilik sistemi bugünkü nəticələrə gətirib çıxarıb", - dövlət başçısı qeyd edib.

İlham Əliyevin sözlərinə görə, düşünülmüş, məqsədyönlü proqramlar əsasında qurulan fəaliyyət öz gözəl nəticələrini verməkdədir.

"Əgər biz öz idmançılarımızın beynəlxalq yarışlarda və olimpiya oyunlarında çıxışlarının dinamikasına nəzər salsaq, görərik ki, ildən-ilə uğurlarımızın sayı artır. Hər il idmançılarımız həm olimpiya idman növləri üzrə, həm də qeyri-olimpiya idman növləri üzrə yüzlərlə medal qazanırlar. Onu da qeyd etmək istəyirəm ki, biz bəzi başqa ölkələrdə olduğu kimi, burada da heç bir fərq qoymuruq, ayrı-seçkilik etmirik. Mənim üçün həm ölkə Prezidenti, həm də Milli Olimpiya Komitəsinin prezidenti kimi, olimpiya və qeyri-olimpiya idman növləri arasında heç bir fərq yoxdur. Bütün idmançılarımız Azərbaycan idmançılarıdır və onlar bütün yarışlarda Azərbaycanı təmsil edirlər və çalışırlar ki, qələbə qazansınlar. Ona görə də Azərbaycanda həm olimpiya, həm də qeyri-olimpiya idman növlərinin inkişafı üçün çox gözəl şərait var. Federasiyalar möhkəmlənir, federasiyalara gələn rəhbər işçilər öz vəzifə borclarını yerinə yetirirlər və beləliklə, hər bir federasiya konkret plan əsasında fəaliyyət göstərir. Hər bir federasiya nəticə verməlidir, o federasiyada cəmləşmiş idmançılar nəticə göstərməlidir, qələbə qazanmalıdırlar və Azərbaycanda idman belə çox şaxəli şəkildə inkişaf edir və etməlidir", - İlham Əliyev bildirib.

Prezident qeyd edib ki, dünya idman olimpiya ailəsi də Azərbaycanda gedən prosesləri çox böyük maraqla izləyir.

"Bizim beynəlxalq əlaqələrimiz də yüksək səviyyədədir və bunun nəticəsidir ki, Azərbaycanda artıq beynəlxalq yarışların, dünya və Avropa çempionatlarının keçirilməsi bir ənənəyə çevrilib. Elə ay olmur ki, Azərbaycanda hansısa mötəbər tədbir, yarış keçirilməsin. Bəzi hallarda bir həftə ərzində bir neçə idman növü üzrə yarışlar keçirilir. Bu da onu göstərir ki, Azərbaycanda yaradılmış idman infrastrukturu, idmançılara olan diqqət və xalqımızın qonaqpərvərliyi bizim üçün bu imkanları yaradır. Regional olimpiya kompleksləri ilə bərabər, Bakı şəhərində böyük olimpiya infrastrukturu yaradılır. Son illər ərzində bir neçə böyük idman-konsert zalları tikilib, onların içərisində ən böyük və möhtəşəmi "Bakı Kristal Zalı"dır. Bu zalda "Eurovision 2012" mahnı müsabiqəsi keçirilib və istənilən idman yarışları keçirilə bilər. Tofiq Bəhramov adına Respublika stadionunda aparılmış yenidənqurma və bərpa işlərindən sonra bu stadion bütün dünya standartlarına cavab verir. Yaxın günlərdə stadionun təmirdən sonra açılışını qeyd edəcəyik. Keçən il Bakıda yeni olimpiya stadionunun təməl daşı qoyulmuşdu, hazırda texniki-iqtisadi əsaslandırılma işləri aparılır, mühəndislik layihəsi hazırlanır və ümid edirəm ki, bu il olimpiya stadionunun tikintisinə başlanılacaq və bu, bölgənin ən böyük və ən müasir olimpiya stadionu olacaqdır", - dövlət başçısı deyib.

İlham Əliyev bildirib ki, yaxın zamanlarda Bakıda yeni, müasir, bütün dünya standartlarına cavab verəcək üzgüçülük kompleksinin tikintisinə başlanılacaq.

"Buna da böyük ehtiyac var. İndi demək olar ki, bütün rayonlarda üzgüçülük hovuzları var, ancaq Bakıda bu sahədə geridə qalmışıq, idmançılarımız sovet dövründən qalan hovuzlardan istifadə edirlər. Əlbəttə, bu, yaxşı hal deyil. Ona görə də yeni su saray və üzgüçülük olimpiya mərkəzinin tikintisinə böyük ehtiyac var. Gimnastika olimpiya idman zalının tikintisi başlanıb. Yəni Bakıda istənilən ən mötəbər beynəlxalq idman yarışı keçirmək üçün infrastruktur yaradılır və gələcək illərdə bu işləri daha da sürətlə aparacağıq. Bir sözlə, bütün bu amillər Azərbaycanı dünya idman xəritəsində xüsusi yerə qoyur və bizim yerimiz möhkəmdir və əminəm ki, biz bundan sonra da olimpiya hərəkatında fəal iştirak edəcəyik", - Prezident çıxışında söyləyib.

"O ki qaldı bizim müstəqillik dövründə olimpiya oyunlarında iştirakımıza, burada da müsbət dinamikanı görürük. Hər bir sahədə olduğu kimi, bu sahədə də ancaq və ancaq uğurlarımızı artırırıq. Biz 20 il ərzində böyük və uğurlu yol keçmişik. Beynəlxalq arenada möhkəm yer tutmuşuq, BMT Təhlükəsizlik Şurasında 155 ölkənin dəstəyi ilə seçilmişik, iqtisadi sahədə son illər ərzində Azərbaycandan daha uğurlu, daha sürətli inkişaf edən ikinci ölkə yoxdur. Sosial məsələlərin həllinə gəldikdə, bizim ənənəmiz nümunə kimi göstərilir, sosial ədalət prinsipləri Azərbaycanda bərqərar olub. İdman sahəsində də eyni mənzərəni görürük. Birinci dəfə müstəqil ölkə kimi Atlanta Olimpiya Oyunlarında bir, sonra Sidneydə üç, Afinada beş, Pekində yeddi medal qazanmışıq. Yəni bu dinamika öz-özlüyündə bir göstəricidir və bu rəqəmlər bizi bir məntiqi nəticəyə gətirib çıxarır ki, London Yay Olimpiya Oyunlarında da idmançılarımızdan daha gözəl nəticə, daha çox medal gözləyirik", - dövlət başçısı deyib.

Prezident qeyd edib ki, idmanda hər şey ola bilər: qələbə də, məğlubiyyət də.

"Ancaq mən əminəm və inanıram ki, bizim idmançılarımız ölkəni ləyaqətlə təmsil edəcəklər. Bir daha demək istəyirəm ki, bunu deməyə əsas verən idmançılarımızın dünya və Avropa çempionatlarında uğurlu çıxışlarıdır. Bizim doğrudan da güclü komandamız var, komanda böyük uğurlara nail ola bilər və bu dəfə tariximizdə ilk dəfə olaraq Azərbaycan Olimpiya Oyunlarında böyük say tərkibi ilə çıxış edəcək. Çünki olimpiya hərəkatında komandasında 50-dən çox idmançıya malik olan ölkə böyük idman ölkəsi kimi tanınır. Bu dəfə Olimpiya Oyunlarında iştirak edəcək idmançılarımızın sayı 53-dür və bu doğrudan da bizim idman potensialımızı bir daha göstərir. Və idmançılarımızın böyük şansları, imkanları var və bütün idmançılara yalnız uğurlar arzulayırıq və onların qələbələrini gözləyirik.

Bir məsələyə də toxunmaq istəyirəm. İdmançıların məişət problemlərinin həlli də daim diqqət mərkəzində olub, hər il 20-30 idmançıya dövlət və Milli Olimpiya Komitəsi tərəfindən mənzillər verilir. Bu praktika artıq 15 ildir ki tətbiq edilir. Biz 1997-ci ildən bu proqramı başlamışıq və istedadlı, böyük uğurlara malik olan idmançılarımızın məişət problemlərini həll edə bilmişik", - İlham Əliyev deyib.

Dövlət başçısı bildirib ki, bu proses bundan sonra da davam edəcək.

"İdmançıların maddi təminatı da, mükafat fondu da artmaqdadır. Bütün bunlar çox vacib amillərdir. Ancaq mən tam əminəm ki, bizim idmançılarımızın əsas təkanverici stimulu Vətən sevgisidir. Bütün başqa amillərlə yanaşı, birinci sırada dayanan Vətənə, xalqa olan bağlılıqdır. Və Azərbaycan idmançıları Olimpiya Oyunlarında, Avropa, dünya çempionatlarında medallar qazananda, Azərbaycanın dövlət himni səslənəndə hər bir vətənpərvər Azərbaycan vətəndaşı sevinir, hər bir insanın, vətənpərvər vətəndaşın ürəyi fərəhlə vurur. Və bu unudulmaz anları bizə idmançılar bəxş edir. Buna görə də biz onlara minnətdarıq, onları dəstəkləyirik və Azərbaycan idmançıları həm peşəkardır, həm də mənəvi dəyərlər baxımından nümunə ola bilərlər. Mən istəyirəm ki, gənc nəsil bu ruhda yetişsin", - Azərbaycan Prezidenti vurğulayıb.

İlham Əliyev qeyd edib ki, bizim idman qəhrəmanlarımız gənc idmançılar üçün həm idmanda, həm də həyatda nümunə olmalıdırlar.

"O ki qaldı Azərbaycan dövlətinə və mənim bu sahədəki fəaliyyətimə, mən 15 ildir ki Milli Olimpiya Komitəsinin prezidentiyəm. Ölkə Prezidenti kimi mənim çoxsaylı işlərim və çoxşaxəli funksiyalarımın olmasına baxmayaraq, Milli Olimpiya Komitəsinin prezidenti kimi də mən daima idmançılarla təmasdayam, onların problemləri ilə maraqlanıram, onların uğurlarına sevinirəm və hesab edirəm ki, bu, həm cəmiyyət üçün, həm də idmanın inkişafı üçün lazımdır. Onu da qeyd etmək istəyirəm ki, mən ölkə Prezidenti vəzifəsinə də idman aləmindən gəlmişəm - 1997-ci ildə Milli Olimpiya Komitəsinin prezidenti seçilmişəm, 2003-cü ildə isə respublika Prezidenti. Yəni mən Azərbaycan rəhbərliyində, belə demək mümkündürsə, idmançıları təmsil edirəm, bundan sonra da hər bir sahəyə olduğu kimi, bu sahəyə də xüsusi diqqət göstərəcəyəm. Və təsadüfi deyil ki, 2012-ci il Azərbaycanda "İdman ili" elan edilib. Yəni bu, özlüyündə bir göstəricidir. Bu onu göstərir ki, idmana dövlət tərəfindən böyük dəstək var, idmançılara böyük qayğı var, idmançılar bizim milli sərvətimizdir və Azərbaycan idman arenalarında öz sözünü deyib, deyəcək və əminəm ki, London Yay Olimpiya Oyunları Azərbaycan idmanının növbəti təntənəsi olacaq.

Əziz dostlar, əziz idmançılar, olimpiyaçılar, paralimpiyaçılar! Sizi bu gün ürəkdən salamlayıram. Sizə uğurlar arzulayıram və bilin ki, hər bir Azərbaycan vətəndaşı kimi, mən də bu oyunları izləyəcəyəm, sizə azarkeşlik edəcəyəm və sizin qələbələrinizi gözləyəcəyəm", - Azərbaycan Prezidenti İlham Əliyev çıxışını tamamlayıb.

"Mançester Siti" 7-ci dəfə İngiltərə çempionu oldu
"Mançester Siti" 7-ci dəfə İngiltərə çempionu oldu
Hemilton İspaniya Qran Prisinin qalibi olub
Hemilton İspaniya Qran Prisinin qalibi olub
Azərbaycanın dörd para-taekvandoçusu Tokio-2020-yə lisenziya qazandı (ƏLAVƏ OLUNUB)
Azərbaycanın dörd para-taekvandoçusu Tokio-2020-yə lisenziya qazandı (ƏLAVƏ OLUNUB)
Loading Bars
Xəbər lenti
Zəngəzur dəhlizi Muxtar Respublikanın inkişafında yeni mərhələ açır - TƏHLİL
"Mançester Siti" 7-ci dəfə İngiltərə çempionu oldu
Türkiyədə son sutkada koronavirusdan 22 253 nəfər sağalıb
Tel-Aviv və ətrafları istiqamətində 130 raket buraxılıb
Tatarıstan hakimiyyəti məktəbdəki atışmada həlak olanların dəfn mərasimlərini üzərinə götürəcək
BMT-nin baş katibi İsrail ilə Fələstin arasında artan gərginlikdən narahat olduğunu bildirib
Dünyada ötən sutka koronavirusa 643 mindən çox yoluxma qeydə alınıb - ÜST
Fici yaxınlığında zəlzələ baş verib
Ombudsman Səbinə Əliyeva Tatarıstan Ombudsmanına başsağlığı verib
Şəmkirdə iki nəfəri öldürmək istəyən şəxs həbs edilib
Göyçayda bacısı qızını qətlə yetirən şəxs həbs edilib
Ağır yaralanan daha 11 qazimiz “YAŞAT” Fondu tərəfindən Türkiyəyə göndərilib (FOTO/VİDEO)
Prezident İlham Əliyev və birinci xanım Mehriban Əliyeva Tatarıstan Respublikasının Prezidentinə başsağlığı veriblər
Prezident İlham Əliyev Rusiya Federasiyasının Prezidentinə başsağlığı verib
Bu küçə və prospektlərdə sıxlıq var
“Berqa” markasının dəstəyi ilə onlayn qadın festivalı keçirilib
XİN nazirlərin görüşünün təfərrüatlarını açıqlayıb
Prezidentin Naxçıvandan verdiyi mesajlardan Ermənistan nəticə çıxarmalıdır - Deputat
Azərbaycanda indiyədək peyvənd olunanların sayı açıqlanıb
Azərbaycanda 514 nəfər koronavirusa yoluxub, 1306 nəfər sağalıb, 15 nəfər vəfat edib
Naxçıvanın postblokada dövründə yeni inkişaf mərhələsi başlayacaq - Deputat
Jurnalistlər Qubadlıda DSX-nin hospitalı ilə tanış olublar (FOTO)
Düşməndən əldə olunan hərbi qənimətlər Qubadlıda istifadə edilir (FOTO)
Böyük Britaniyada vaksin pasportları tətbiq olunacaq
Müdafiə naziri azad edilmiş ərazilərdə yerləşən bölmələrdə olub (FOTO)
Zakir Həsənov Ramazan bayramı münasibətilə Azərbaycan Ordusunu təbrik edib
Naxçıvanın müdafiəsi və bu bölgədə hərbi üstünlüyünün möhkəmləndirilməsi istiqamətində də ardıcıl addımlar atılır - Deputat
Daha 11 qazi müalicə üçün Türkiyəyə göndərilib
İranda ötən sutka koronavirusdan 307 nəfər ölüb
Dələduzluğa görə beynəlxalq axtarışda olan şəxs Azərbaycana ekstradisiya edilib
Nasizmin qəhrəmanlaşdırılması qəbuledilməzdir - Azərbaycan XİN
Mina xəritələri ilə bağlı məsələ Yerevanda müzakirə olunub - Sergey Lavrov
Kommunikasiyaların bərpasında bütün maraqlı tərəflərin mövqeyi nəzərə alınır - Lavrov
Hesab edirik ki, regionda nəqliyyat əlaqəsinin açılmasına böyük diqqət ayırmaq lazımdır - Ceyhun Bayramov
Rusiya üç ölkənin baş nazir müavinlərindən ibarət işçi qrupunun işini yüksək qiymətləndirir - Lavrov
Qarabağda vəziyyətin normallaşması üçün əsas amil üçtərəfli bəyanatın bütün şərtlərinin icrasıdır - Sergey Lavrov
Yol polisi avtomobillərdə katalizator məsələsinə aydınlıq gətirdi (FOTO)
"Sputnik V" vaksininin ikinci partiyası Azərbaycana mayın sonunda gətiriləcək - Lavrov
Azərbaycan üçtərəfli bəyanat çərçivəsində öz öhdəliklərinə məsuliyyətlə yanaşır - Nazir
Azərbaycan və Rusiya XİN arasında 2021-2022-ci illər üçün məsləhətləşmələr Planı imzalanıb (FOTO) (ƏLAVƏ OLUNUB)
Ceyhun Bayramov Kazanda törədilmiş hadisə ilə bağlı Rusiyaya başsağlığı verib
Mayın sonuna kimi Ermənistanla sərhəddə 6 yeni hərbi hissə istifadəyə veriləcək - DSX
Ceyhun Bayramov və Sergey Lavrovun mətbuat konfransı keçirilib (FOTO/VİDEO)
Allahşükür Paşazadə Ramazan bayramı münasibətilə Azərbaycan xalqını təbrik edib
Mingəçevir Dövlət Universitetinin tələbələri təcrübələrini uğurla davam etdirirlər (FOTO)
Qəbələdə gecə saatlarında işləyən restoran aşkarlanıb
Ötən gün ölkədə 11 yanğın olub, 1 nəfər xilas edilib
Prezident İlham Əliyev: Azərbaycan dinlərarası həmrəyliyin və əməkdaşlığın mövcud olduğu nadir məkanlardandır
Prezident İlham Əliyev Ramazan bayramı münasibətilə Azərbaycan xalqını təbrik edib
İranda təlim təyyarəsi qəzaya uğrayıb, 2 nəfər ölüb
UNEC tələbələri Selcuk Bayraktarın “TEXNOFEST” yarışının növbəti mərhələsində
Kazanda məktəbə hücum zamanı 9 nəfər həlak olub (VİDEO) (ƏLAVƏ OLUNUB)
Sabah Bakıda 22, rayonlarda 27 dərəcəyədək isti olacaq
Sergey Lavrov Fəxri xiyaban və Şəhidlər xiyabanını ziyarət edib
Prezident Naxçıvanın nəyin bahasına olsa da blokadadan çıxışına qəti inam nümayiş etdirdi - Budəfəki səfərin fərqli məzmunu
Azərbaycan-Rusiya nümayəndə heyətlərinin geniş tərkibli görüşü keçirilib
TAP kompressor stansiyaları üçün qazın satın alınması ilə bağlı tender elan edəcək
Ceyhun Bayramovun Sergey Lavrovla təkbətək görüşü keçirilib
Kapital Bank-ın kart sahibləri əlavə keşbek qazanacaqlar!
İran koronavirus əleyhinə vaksinin kütləvi istehsalına başlayıb
Bakı Qarabağın bütün mədəni irsinin qiymətləndirilməsi üzrə missiyanı alqışlayır
Azərbaycan nefti ucuzlaşıb
Cəlilabadda əməliyyat, 3 kiloqram narkotik aşkarlandı (FOTO)
Mina terrorunun daha bir qurbanı: Bu ərazilərə icazəsiz getməyin! - Trend TV-nin REPORTAJI
Lənkəranda eyni evdən dəfələrlə oğurluq edən şəxs saxlanılıb
Türkiyədən Azərbaycana sement ixracı artıb
Abşeron rayonunda "Renault" yanıb
Ermənistanda revanşist bəyanatlar xəstə neofaşist təfəkkürdən qaynaqlanır - Siyasi şərhçi
ABŞ-da yeniyetmələr üçün BioNTech - Pfizer peyvəndinin istifadəsi təsdiqlənib
İsrail polisi ilə toqquşmalarda 610-dan çox fələstinli yaralanıb
Yaponiyada kimyəvi zavodda partlayış olub
Türkiyədə son sutkada koronavirusdan 26 953 nəfər sağalıb
İsrail Qəzza zolağının bəzi şəhərlərinə raket zərbələri endirir
Argentinada koronavirusun Cənubi Afrika və Hindistan ştammlarına yoluxma halları aşkar edilib
Türkiyə İsrailin Şərqi Qüdsdə fələstinlilərə qarşı hərəkətlərini pisləyib
İsrailin Qəzza zolağına endirdiyi zərbələr nəticəsində 20 nəfər həlak olub
Vaşinqtonda Ümummilli lider Heydər Əliyevin anadan olmasının 98-ci ildönümü qeyd edilib (FOTO)
Azərbaycan ilə Ermənistan arasında münasibətlərin normallaşmasına səmimi qəlbdən maraq göstəririk - Rusiya XİN başçısı
Azərbaycana “Sputnik V” vaksininin birinci partiyası gətirilib, bu ay daha böyük partiyalar gözlənilir - Sergey Lavrov
Prezident İlham Əliyev: Bizdə olan bütün hərbi əsirləri vermişik
Prezident İlham Əliyev: Revanşizm qoxusu verən bəyanatları Ermənistan üçün təhlükəlidir
Prezident İlham Əliyev: Azərbaycan humanitar problemlərlə bağlı məsələlərdə xoş məram nümayiş etdirir
Prezident İlham Əliyev: Rusiya ilə bundan sonra da qarşılıqlı əlaqəli şəkildə regionda vəziyyətin normallaşdırılması üçün fəal iş aparmağa ümid edirik
Prezident İlham Əliyev: Münaqişədən sonrakı vəziyyət sıx əlaqə saxlamağın zəruri olduğunu diktə edir
Ombudsmanın regional mərkəzləri Heydər Əliyevin anadan olmasının 98-ci ildönümünə həsr olunmuş onlayn tədbirlər təşkil ediblər (FOTO)
Dünyada ötən sutka koronavirusa 677 mindən çox yoluxma qeydə alınıb - ÜST
Kürdəmirdə "Mercedes" yanıb
Ermənistan parlamenti ikinci dəfə baş naziri seçə bilməyib
Prezident İlham Əliyev Rusiya Federasiyasının xarici işlər naziri Sergey Lavrovun başçılıq etdiyi nümayəndə heyətini qəbul edib (FOTO/VİDEO) (YENİLƏNİB)
Azərbaycanın var olması Heydər Əliyevin adı ilə bağlıdır - Deputat
Ermənilərin növbəti feyk xəbəri ifşa edildi (FOTO)
"Ümummilli lider Heydər Əliyev və Azərbaycan gəncliyi" mövzusunda anım tədbiri keçirilib (FOTO)
Mingəçevir Dövlət Universitetinin əməkdaşları Ramazan bayramı münasibətilə şəhid məzunların ailələrini ziyarət ediblər (FOTO)
Zalsburqdakı Azərbaycan Evində ulu öndər Heydər Əliyev yad edilib (FOTO)
Bu gün Qubada “Azərbaycan-Türkiyə Qardaşlıq Parkı”nın açılışı olub (FOTO)
Türkiyənin Azərbaycana yeni təyin edilmiş səfiri Quba rayonuna səfər edib
Ulu Öndərin anadan olmasının növbəti ildönümü günündə azad edilmiş ərazilərdə modul tipli yeni hərbi hissə istifadəyə verilib (FOTO/VİDEO)
MÜSİAD Azərbaycan idarə heyəti Qubada Heydər Əliyev mərkəzini ziyərət ediblər (FOTO)
Prezident İlham Əliyev: Rusiya Ermənistanın dəmir yollarına sahibdir, bu məsələni daha çox Rusiya tərəfi ilə müzakirə edirik
Prezident İlham Əliyev: Ulu Öndərin siyasi müdrikliyi ermənilərin və AXC-Müsavat cütlüyünün planlarını alt-üst etmişdir
Bütün xəbərlər