Azərbaycan, Bakı, 18 iyul / Trend müxbir M.Əliyev/
Azərbaycan Prezidenti yanında Strateji Araşdırmalar Mərkəzində (SAM) çərşənbə günü "Siyasi münaqişə, münaqişələrin həlli yolları: münaqişəyə sistemli və elmi yanaşmalar" mövzusunda elmi-praktiki seminar keçirilib. Trend-in məlumatına görə, bu barədə SAM-dan bildirilib.
"Siyasi elmi mühazirələr" layihəsi çərçivəsində keçirilən seminarı SAM-ın Xarici siyasət məsələlərinin təhlili şöbəsinin müdiri Rövşən İbrahimov aparıb. Şöbə müdiri həmçinin iştirakçılar tərəfindən verilən sualları həm nəzəri, həm də praktiki yöndən izah edib, onların bu sahədə məlumatlandırılmasına çalışıb.
40-a yaxın gəncin iştirak etdiyi seminardan sonra mühazirə ətrafında diskussiya aparılıb, gənclər tərəfindən siyasi münaqişələrin həlli yolları ilə bağlı müxtəlif fikirlər səsləndirilib.
Layihə çərçivəsində bir neçə belə elmi seminarın keçirilməsi planlaşdırılır.