Azərbaycan, Bakı, 17 sentyabr /Trend, müxbir M.Əliyev/
Bu il Azərbaycanda Rəqabət Məcəlləsinin hazırlanmasının başa çatdırılacağı gözlənilir. Trend-in məlumatına görə, bu barədə Milli Məclisin İqtisadi siyasət komitəsinin sədri Ziyad Səmədzadə bildirib.
O qeyd edib ki, bu məcəllə Azərbaycanın iqtisadi inkişafı üçün zəruridir və qəbul edildiyi təqdirdə rəqabət sahəsində ciddi yeniliklərə səbəb olacaq.
"Mən bu barədə müvafiq qurumlarla, o cümlədən iqtisadi inkişaf naziri Şahin Mustafayevlə də danışmışam. Qərara almışıq ki, Milli Məclisin payız sessiyasında məcəllə üzərində müzakirələri gücləndirək və bu il məcəlləni hazırlayıb başa çatdıraq", - Səmədzadə deyib.
Məcəllə parlamentin payız sessiyasının gündəliyinə salınıb.
Bu il Azərbaycanda Rəqabət Məcəlləsinin hazırlanmasının başa çatdırılacağı gözlənilir
Bu il Azərbaycanda Rəqabət Məcəlləsinin hazırlanmasının başa çatdırılacağı gözlənilir.
