Azərbaycan, Bakı, 13 oktyabr /Trend, müxbir R.Hafizoğlu/
BMT daxili islahatlar aparmalıdır. Trend-in şənbə günü "TRT Haber" telekanalına istinadən verdiyi məlumata görə, bu barədə şənbə günü Türkiyənin Baş naziri Rəcəb Tayyib Ərdoğan İstanbul konfrasında çıxış edərkən deyib.
Ərdoğanın sözlərinə görə, digər ölkələrin taleyini BMT Təhlükəsizlik Şurasının (TŞ) daimi üzvü olan 5 dövlətin həll etməsi ədalətsizlikdir.
O, həmçinin əlavə edib ki, TŞ Suriyada baş verən hadisələrə görə hələ də susur.
"BMT Suriyada baş verən hadisələrə goz yummaqla nüfuzunu itirir", - Ərdoğan vurğulayıb.