Azərbaycan, Bakı, 26 oktyabr /Trend/
MDB Dövlət Başçıları Şurasının iclası təxirə salınıb, yeni tarix razılaşdırılır. Trend-in RİA-Novosti-yə istinadən verdiyi məlumata görə, bu barədə cümə günü MDB-nin Minskdəki İcraiyyə Komitəsinin nümayəndəsi deyib.
Sammitin noyabrın əvvəlində Aşqabadda keçirilməsi planlaşdırılmışdı.
"Hazırda sammitin keçirilmə tarixi MDB ölkələri prezidentləri ilə dəqiqləşdirilir, razılaşdırılır", - agentliyin həmsöhbəti qeyd edib.
İcariyyə Komitəsi iclasın təxirə salınması səbəblərini açıqlamayıb.
MDB-nin Aşqabaddakı növbəti iclasında iqtisadi və humanitar sahələrdə və təhlükəsizliyin təmin edilməsində regional əməkdaşlığın dərinləşdirilməsinə istiqamətlənmiş təqribən 20 layihənin nəzərdən keçirilməsi planlaşdırılırdı.