Azərbaycan, Bakı, 14 noyabr /Trend/
İsrail ordusu bu gün HƏMAS hərəkatının hərbi qanadının lideri Əhməd əl-Cabarinin öldürülməsində iştirakı olduğunu rəsmən etiraf edərək, Qəzza sektorunda silahlılara qarşı irimiqyaslı əməliyyatlara başladığını elan edib. Bu barədə Trend çərşənbə günü RİA Novosti-yə istinadən məlumat verir.
"İsrail ordusu terrorçu təşkilatların infrastrukturları və onların Qəzza sektorundakı fəallarına, ilk növbədə, HƏMAS və "İslam cihadı"na qarşı irimiqyaslı əməliyyatlara başlayıb", - hərbçilərin bəyanatında deyilir.
Bəyanatda qeyd olunur ki, bir neçə dəqiqə əvvəl edilən hücumun ilkin hədəfi Əhməd əl-Cabari oldu.