Azərbaycan, Bakı, 18 yanvar /Trend, müxbir E.Mehdiyev/
Rusiyanın məşhur "Rossiyskaya Gazeta" qəzetində 20 Yanvar faciəsi haqqında geniş məqalə dərc olunub.
Trend-in məlumatına görə, məqalədə 20 Yanvarın tarixi rolu, digər postsovet ölkələrində müstəqillik uğrunda mübarizəyə təsiri haqqında geniş şərh verilir.
Məqalə müəllifi qeyd edir ki, o zamankı sovet hakimiyyəti bu faciəni törətməklə heç nəyə nail ola bilmədi, əksinə ölkə müstəqillik yolunu seçdi.
Məqalədə qeyd olunur ki, bu tarixi hadisənin dərinlikləri yeni, müstəqil Azərbaycanın doğulmasında ən mühüm mərhələ kimi dəyərləndirilir. Bu gün Azərbaycan Prezidenti başda olmaqla bütün xalq 20 Yanvar günü Şəhidlər Xiyabanına ziyarət edir və həmin gün şəhid olanların xatirəsini anırlar.