Azərbaycan, Bakı, 7 mart /Trend/
ABŞ-ın İndiana ştatının Baş Assambleyası tərəfindən Azərbaycan ilə bu ölkə arasında əməkdaşlığa dair qətnamə qəbul edilib.
Azərbaycanın ABŞ-dakı səfirliyindən Trend-ə verilən məlumatda bildirilir ki, qətnamədə Azərbaycanın müstəqillik əldə etməsindən ötən 21 il ərzində ABŞ-ın həm regional, həm də qlobal arenada önəmli strateji tərəfdaşına çevrilməsindən, ölkəmizdə 100-dən artıq amerikan şirkətlərinin uğurlu fəaliyyətindən bəhs edilir.
Həmçinin, Azərbaycanın Şərqi Avropada ABŞ-ın ən önəmli müttəfiqlərindən biri kimi NATO-nun Əfqanıstanda apardığı əməliyyatlarda Amerikanın sadiq dəstəkçisi olduğu bildirilir.
Xatırladaq ki, son zamanlar Azərbaycanla ABŞ arasında əməkdaşlığa dair bir neçə qətnamə qəbul edilib.