Azərbaycan, Bakı, 19 iyul /Trend, müxbir S.Əhmədova/
İyul 20-dən avqustun 1-dək Ukraynanın Krım vilayətində ATƏT-in Gənclər Sammiti keçiriləcək. Bu barədə Trend ATƏT-in rəsmi saytına istinadən məumat verir.
Məlumatda deyilir ki, "Bizim fərqimiz bizim sərvətimizdir, bizim birliyimiz bizim gücümüzdür" şüarı altında keçiriləcək sammit ATƏT-ə üzv ölkələrdən olan gəncləri bir yerə toplayacaq.
Sammit Ukraynanın ATƏT-də sədrliyi tərəfindən təşkil olunub.
Tədbiri ATƏT-in fəaliyyətdə olan sədri, Ukraynanın xarici işlər naziri Leonid Kojara açacaq.
Sammitdə ATƏT-in baş katibi Lamberto Zannier və Ukraynanın yüksəkvəzifəli şəxsləri iştirak edəcəklər.