...

Bayram Səfərov: Ordumuz bu gün Azərbaycanın ötən əsrin əvvəllərindəki sərhədlərini də bərpa edə bilər

Siyasət Materials 23 İyul 2013 13:20 (UTC +04:00)
Azərbaycan ordusu bu gün nəinki işğal olunmuş Dağlıq Qarabağ ərazisini qaytara bilər, hətta Azərbaycanın ötən əsrin əvvəllərindəki sərhədlərini də bərpa edə bilər.
Bayram Səfərov: Ordumuz bu gün Azərbaycanın ötən əsrin əvvəllərindəki sərhədlərini də bərpa edə bilər

Trend-i buradan izləyin

Azərbaycan, Bakı, 23 iyul / Trend müxbir M.Əliyev/

Azərbaycan ordusu bu gün nəinki işğal olunmuş Dağlıq Qarabağ ərazisini qaytara bilər, hətta Azərbaycanın ötən əsrin əvvəllərindəki sərhədlərini də bərpa edə bilər.

Trend-in məlumatına görə, bu barədə Azərbaycan Respublikasının Dağlıq Qarabağ bölgəsinin Azərbaycanlı İcması" İctimai Birliyinin sədri Bayram Səfərov çərşənbə axşamı Ağdam rayonunun Ermənistan Silahlı Qüvvələri tərəfindən işğalının 20-ci ildönümü münasibətilə Bakıda Şəhidlər Xiyabanında keçirilən anım ziyarəti zamanı çıxışında deyib:

"Bu gün Azərbaycan ordusu 20 il bundan qabaqkı ordu deyil. Həmin dövrdə Azərbaycan ordu təşkilatlanmış şəkildə deyildi. İndi işğal olunmuş əraziləri qaytarmaq iqtidarında olan ordumuz var".

Eyni zamanda Bayram Səfərov qeyd edib ki, Azərbaycan Prezidenti İlham Əliyev və Azərbaycan xalqı münaqişənin sülh yolu ilə həll olunmasının tərəfdarıdır.

O işğal olunmuş rayonların tezliklə qaytarılacağına əminliyini bildirib. B.Səfərov çıxışında həmçinin dövlətin qaçqın və məcburi köçkünlərə olan qayğısından bəhs edib.

Anım mərasimində çıxış edən Milli Məclisin deputatı Bəxtiyar Əliyev bildirib ki, Azərbaycanın inkişafı nəticəsində artıq ölkədə bir dənə də olsun qaçqın şəhərciyi qalmayıb. Onun sözlərinə görə, ümummilli lider Heydər Əliyevin siyasi kursunu layiqli davam etdirən Prezident İlham Əliyevin rəhbərliyi ilə bu gün Azərbaycan Avropanın enerji təhlükəsizliyinin təminatçısına çevrilib.

Məqalədə:
Xəbər lenti

Xəbər lenti