İranın Ərdəbil əyalətinin Sənaye, Mədənlər və Ticarət Palatasının sədri Azərbaycandadır

Azərbaycan, Bakı, 21 avqust /Trend, müxbir T.Cəfərov/

İranın Ərdəbil əyalətinin Sənaye, Mədənlər və Ticarət Palatasının sədri Hüseyn Pirmüəzzin və Ərdəbil şəhərinin meri Südeyif Bədrinin başçılıq etdiyi nümayəndə heyətinin Azərbaycana səfəri başlayıb. Trend-in İranın Azərbaycandakı səfirliyinə istinadən verdiyi məlumata görə, 3 günlük səfər zamanı iki ölkənın sənaye və kənd təsərrüfatı sahəsində işləyən özəl sektor şirkətləri arasında iki ölkənin əlaqələrinin inkişafı məsələləri müzakirə olunacaq.

Həmçinin, iranlı nümayəndə heyəti azərbaycanlı investorlarla görüş keçirəcək və onların İranın Ərdəbil əyalətində investisiya yatırması məsələsini müzakirə edəcək.