Azərbaycan, Bakı, 30 sentyabr /Trend/
Suriyadakı kimyəvi silahların məhvinə sabahdan başlanacaq. Trend-in RİA Novostiyə istinadən verdiyi məlumata görə, bunu BMT-nin rəsmi nümayəndəsi Martin Nesirki təsdiqləyib.
"Müəyyən edilmiş birgə əməliyyat sabah baş tutacaq" - deyə o bildirib.
Bununla yanaşı, onun sözlərinə görə, kimyəvi silahlar üzrə BMT mütəxəssisləri Suriyadan qayıdıb və onların hesabatları oktyabr ayında hazır olacaq.