Azərbaycan, Bakı, 9 oktyabr /Trend, müxbir A.Аxundov/
Azərbaycanda prezident seçkiləri ATƏT və Avropa Şurasının öhdəlikləri və standartları, həmçinin Azərbaycanın milli qanunvericiliyi daxil olmaqla demokratik seçkilərin beynəlxalq öhdəlikləri və standartlarına uyğun təşkil edilib və keçirilib.
Trend-in məlumatına görə, GUAM-ın müşahiqə qrupunun bəyanatında deyilir.
Bəyanatı bu gün keçirilən brifinqdə GUAM-ın baş katibi Valeri Çeçelaşvili oxuyub:
"Ümumi seçki prosesinə, seçki məntəqələrində seçkilərin təşkili və komissiyaların fəaliyyətinə gəldikdə, GUAM-ın müşahidə qrupunun səsvermənin nəticələrinə təsir edə biləcək rəyi yoxdur. Seçki mübarizə əhval-ruhiyyəsində keçib və ümumilikdə azad və ədalətli keçirilməsi baxımından müsbət qiymətləndirilə bilər".
GUAM-ın bu bəyanatı Bakıda 35, Sumqayıtda isə 7 seçki məntəqəsində aparılan müşahidələrin nəticəsinə əsaslanır.