Azərbaycan, Bakı, 7 noyabr /Trend, müxbir E.Tariverdiyeva/
İran və "P5+1" qrupu danışıqlarda yaranmış çətinliklərə görə müzakirələrin bir hissəsini ikitərəfli formatda keçirmək qərarına gəliblər. Trend-in IRINN agentliyinə istinadən verdiyi məlumata görə, bunu Cenevrdədə İranın xarici işlər nazirinin müavini Abbas Əraqçi dyib.
Onun sözlərinə görə, İran birinci mərhələdə Avropanın üç ölkəsi ilə danışıqlar aparacaq: "Bundan sonra isə Çin, Rusiya və ABŞ-ın nümayəndə heyətləri ilə ayrıca görüşlər keçiriləcək".
Qeyd edək ki, bu gün Cenevrədə İranın nüvə problemi üzrə Tehran və "altılıq" (Rusiya, ABŞ, Çin, Böyük Britaniya, Fransa, Almaniya) nümayəndələri arasında danışıqlar başlayıb.