Azərbaycan, Bakı, 17 oktyabr /Trend/
ABŞ-ın vitse-prezidenti Co Baydenin oğlu Hanter Bayden narkotiklərdən istifadəyə görə ABŞ HDQ-də ehtiyatdan çıxarılıb. Trend xəbər verir ki, bu barədə "İnterfaks" agentliyi "Wall Street Journal" qəzetinə istinadən məlumat yayıb.
Qəzetin məlumatına görə, 2013-cü ilin yayında HDQ-nin mətbuat xidmətində işləməyi planlaşdıran vitse-prezidentin oğlu narkotiklərdən istifadəyə görə testdən keçib. Testin nəticələri onun kokaindən istifadə etdiyini göstərib.
Vitse-prezidentin və HDQ-nin mətbuat xidmətləri hələlik qəzetin bu məlumatını şərh etməyiblər.
Qəzet Hanter Baydenin öz bəyanatından sitat gətirir: "ABŞ HDQ-də xidmət mənim üçün böyük şərəf idi. Hərəkətlərimin çıxarılmama səbəb olmasına görə dərindən təəssüflənirəm".
Eyni zamanda, Bayden HDQ-nin qərarına hörmət etdiyini bildirib.